گوگل نیوز پر ہمیں فالو کریںکے الیکٹرک نے 13 مئی 2026 کے لیے شہر بھر میں مینٹیننس اور ضروری مرمت کے باعث شٹ ڈاؤن شیڈول جاری کر دیا ہے۔ اس دوران مختلف فیڈرز پر صبح سے شام تک بجلی کی فراہمی عارضی طور پر معطل رہے گی۔
تفصیلات کے مطابق کثیر علاقوں میں بجلی کی بندش مختلف اوقات میں کی جائے گی۔ ان میں اکتیسویں اسٹریٹ کے ایچ ای قاسم، عباسی مارکیٹ، افنان ڈوپلیکس، اے ایف او ایچ ایس فالکن کینٹ، النور سوسائٹی، الشفا کلینک، امجد علی ویلز، عسکری فور، عظیم پلازہ اور کلفٹن ٹو سمیت متعدد علاقے شامل ہیں۔
ان فیڈرز پر زیادہ تر اوقات میں صبح آٹھ بجے سے نو بج کر انسٹھ منٹ کے درمیان بجلی بند رہے گی جبکہ کئی مقامات پر سپلائی شام پانچ بج کر انسٹھ منٹ یا چھ بجے تک بحال کی جائے گی۔
اسی طرح لیاقت آباد، گلشنِ اقبال، ڈیفنس ہاؤسنگ اتھارٹی، شاہ فیصل ٹاؤن، گلستانِ جوہر، ناظم آباد اور کورنگی سمیت رہائشی و صنعتی علاقوں کے مختلف فیڈرز بھی اس شٹ ڈاؤن سے متاثر ہوں گے۔ ان میں خالد پمپنگ، لانڈھی سی، سیما عربین ولاز، قلندرآباد آر ایم یو، رہبر کلب، راشد مسجد آر ایم یو اور ٹریٹمنٹ پلانٹ جیسے اہم فیڈرز شامل ہیں۔
کے الیکٹرک کے مطابق یہ شٹ ڈاؤن نظام کی بہتری، مرمت اور مستقبل میں بجلی کی فراہمی کو مزید مستحکم بنانے کے لیے کیا جا رہا ہے تاکہ غیر متوقع خرابیوں سے بچا جا سکے۔
شہریوں سے درخواست کی گئی ہے کہ وہ مقررہ شیڈول کے مطابق بجلی بندش کے دوران پیشگی انتظامات کر لیں تاکہ کسی بھی دشواری سے بچا جا سکے۔
