گوگل نیوز پر ہمیں فالو کریںوزیر اعظم پاکستان عمران خان نے ہدایت دی ہے کہ ریگولیٹری ادارے لائسنس، اجازت ناموں اور این او سی کے حصول کا عمل شہریوں کے لیے آسان بنائیں۔
سماجی رابطے کی ویب سائٹ ٹوئٹر پر وزیر اعظم آفس پیغام میں بتایا گیا ہے کہ وزیر اعظم نے مختلف ریگولیٹری اداروں کو ہدایت دی ہے کہ این او سی وغیرہ کا اجراء سادہ، آسان اور طے شدہ معیاد میں یقینی بنائیں۔
وزیرِ اعظم عمران خان کی مختلف ریگولیٹری اداروں سے لائسنسز، اجازت ناموں اور این او سی کے اجراء کا عمل سادہ، آسان اور طے شدہ معیاد کے اندر یقینی بنانے کی ہدایت. کابینہ ڈویژن کو اس ضمن میں ایک مربوط و منظم نظام اور ٹائم لائنز پر مبنی ایس او پیز بنانے کی ہدایت pic.twitter.com/HFFa1yvUdD
— Prime Minister's Office (@PakPMO) January 5, 2020
ٹوئٹر پیغام کے مطابق وزیرا عظم نے کابینہ ڈویژن کو اس ضمن میں ایک مربوط و منظم نظام اور ٹائم لائنز پر مشتمل ایس او پیز بنانے کی ہدایت بھی کی۔
وزیر اعظم عمران خان نے کہا کہ لائسنس، اجازت ناموں اور این او سی کے حصول کا عمل نہ صرف آسان بنایا جائے بلکہ اس کا مکمل طریقہ کار اور تمام معلومات آن لائن مہیا کی جائیں۔
عمران خان نے کہا کہ این او سی، اجازت ناموں اور لائسنس کے اجراء کے حوالے سے تمام معلومات کی فراہمی متعلقہ ریگولیٹری اتھارٹی کی ویب سائٹ پر یقینی بنائی جائے۔
کابینہ ڈویژن کو تمام متعلقہ ریگولیٹری اداروں کی مشاورت سے تیارکردہ مجوزہ طریقہ کار کا مسودہ آئندہ دو ہفتوں میں وزیرِ اعظم آفس کو پیش کرنے کی ہدایت
— Prime Minister's Office (@PakPMO) January 5, 2020
یاد رہے کہ اس سے قبل وزیر اعظم پاکستان عمران خان نے کہا ہے کہ مسلمانوں کو ہدف بنا کر ان پر حملے آر ایس ایس ایجنڈے کا حصہ ہیں جبکہ مودی حکومت اقلیتوں کو دبانا چاہتی ہے۔
ٹوئٹر پر اپنے پیغام میں وزیر اعظم پاکستان عمران خان نے کہا کہ ننکانہ صاحب پر ہونے والے قابلِ مذمت واقعے اور بھارت بھر میں ہونے والے حملے دو مختلف باتیں ہیں۔
مزید پڑھیں: مسلمانوں پر حملے آر ایس ایس ایجنڈے کا حصہ ہیں۔وزیرا عظم
