وزیراعظم نے پاکستان میں جنسی جرائم کی ذمہ داری بھارتی اور مغربی میڈیا پر ڈال دی

اسلام آباد: وزیراعظم پاکستان عمران خان نے پاکستان میںبڑھتے ہوئے جنسی جرائم پر بھارتی اور مغربی میڈیا کو ذمہ دار قرار دیدیا ہے۔

وزیراعظم عمران خان کا کہنا ہے کہ آج میڈیا پر ہر طرح کا مواد عام ہےجبکہ بالغوں کا مواد بھی آزادانہ پیش کرنے سے معاشرے میں خرابیاں پیدا ہورہی ہیں۔

غیر ملکی میڈیا کو انٹرویو میں وزیراعظم عمران خان کا کہنا تھا کہ ایک وقت تھا جب ہم سب کنبے کے ساتھ مل بیٹھ کر فلمیں اور ڈرامے دیکھ سکتے تھے تاہم آج ہماری فلموں اور ڈراموں کامعیار انتہائی حد تک پست ہوگیا ہے۔

انہوںنے کہا کہ بھارتی فلموں اور ڈراموں کے ذریعے ملک میں فحاشی پھیل گئی ہے، مغربی میڈیا بھی پاکستان کے کلچر کو تباہ کررہا ہے جبکہ اسمارٹ فونز اور غیر مہذب مواد نے بھی معاشرے کو بری طرح متاثر کیا ہے۔

ان کا کہنا ہے کہ موٹر وے واقعہ پر افسوس ہے اور ملک میں جنسی جرائم روکنے کیلئے اقدامات اٹھائے جارہے ہیں۔

وزیر اعظم نے کہا کہ ہندوستانی تفریحی صنعت میں فحاشی نے دہلی کو ’دنیا کا عصمت دری کا دارالحکومت‘ بنانے میں مدد فراہم کی ہے۔

مزید پڑھیں:شریک جرم نہ ہوتے تو مخبری کرتے

وزیر اعظم معاون خصوصی عاصم سلیم باجوہ کو ایک نئی پالیسی بنانے کا کام سونپا ہے جس سے پاکستانی تفریح اور ثقافت کو فروغ مل سکے۔