لاہور: پاکستان کرکٹ بورڈ (پی سی بی) نے خواتین کرکٹ کے لیے ٹرائلز کرانے کا اعلان کردیا۔
تفصیلات کے مطابق پی سی بی کا کہنا ہے کہ ملک بھر میں خواتین کرکٹرز کے ٹرائلز مئی میں ہونگے۔
PCB and CAs to conduct nationwide women trials in May
More details: https://t.co/VYFEiLpdwq#BackOurGirls pic.twitter.com/HMVoAH5lKN
— Pakistan Cricket (@TheRealPCB) April 27, 2022
پی سی بی کا کہنا ہے کہ کرکٹ ایسوسی ایشنز کے اشتراک سے ٹرائلز سابق ٹیسٹ اور فرسٹ کلاس کرکٹرز لیں گے۔
مذکورہ ٹرائلز تین کیٹگریز انڈر 19، ایمرجنگ اور سینئر ویمن میں ہوں گے۔ ریجنل اکیڈمیز کی خواتین کرکٹرزٹرائیلز میں شرکت کی اہل نہیں ہوں گی۔
بلوچستان میں 12 مئی اور سینٹرل پنجاب میں 6 سے 9 مئی تک ٹرائلز ہوں گے۔ کے پی کے میں 9 سے 11 مئی اور ناردن میں 10 سے 17 مئی تک ٹرائلز ہوں گے۔
یہ بھی پڑھیں: راولپنڈی ایکسپریس کی تیز ترین بالنگ کے شین واٹسن آج بھی متعرف