اسلام آباد: پاکستان نے برادر اسلامی ملک ترکی میں برفانی تودہ گرنے کے باعث ہونے والے قیمتی جانوں کے ضیاع پر افسوس کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں صدرِ پاکستان ڈاکٹر عارف علوی نے کہا کہ ترکی میں ہونے والے جانی نقصان پر دلی افسوس ہے۔ ترکی سے ہمارے برادرانہ اور گہرے تعلقات ہیں۔
صدرِ مملکت نے متاثرہ خاندانوں سے ہمدردی کا اظہار کرتے ہوئے کہا کہ پاکستانی قوم اپنے ترک بہن بھائیوں کے دکھ میں برابر کی شریک ہے۔
صدرمملکت ڈاکٹر عارف علوی کا ترکی میں برفانی تودے گرنے سے ہونے والے قیمتی جانوں کے ضیاع پر گہرے دکھ اور افسوس کا اظہار
صدر مملکت کی ترک قوم سے اظہار یکجہتی
پاکستانی قوم اپنے ترک بہن بھائیوں کے دکھ میں برابر کی شریک ہے، صدر مملکت
صدر مملکت کا متاثرہ خاندانوں سے اظہار ہمدردی pic.twitter.com/WDA1bMdOzL
— The President of Pakistan (@PresOfPakistan) February 5, 2020
دفترِ خارجہ کی ترجمان عائشہ فاروقی نے کہا کہ حکومتِ پاکستان اور پاکستانی عوام برفانی تودہ گرنے کے باعث جانی نقصان پر غمزدہ ہیں۔
ترجمان دفترِ خارجہ عائشہ فاروقی نے گزشتہ شب ٹوئٹر پیغام میں کہا کہ ہماری ہمدردیاں جاں بحق ہونے والوں کے لواحقین کے ساتھ ہیں۔ مرحومین کے ایصالِ ثواب اور لواحقین کیلئے صبر جمیل کی دعا کرتے ہیں۔
The Government & people of Pakistan express our deepest condolences & heartfelt grief over reported loss of precious lives due to an avalanche in Van province in eastern Turkey today.
Our thoughts & prayers are with the victims & with their loved ones. @MFATurkey
— Ministry of Foreign Affairs – Pakistan (@ForeignOfficePk) February 5, 2020
یاد رہے کہ اس سے قبل ترکی کے صوبے وان میں برفانی تودہ گرنے کے باعث 38 افراد جاں بحق، 53 زخمی جبکہ متعدد افراد لاپتہ ہو گئے، برفانی تودہ گرنے کا واقعہ گزشتہ شب پیش آیا۔
ترکی کے مشرقی صوبے وان میں تودہ گرنے سے چند افراد وزنی برف تلے دب گئے جنہیں بچانے کے لیے ریسکیو آپریشن کیا گیا۔ 5 لاشیں نکالنے کے بعد ایک اور تودہ ریسکیو ٹیموں پر گر گیا۔
مزید پڑھیں: ترکی میں برفانی تودہ گرنے کے باعث 38 افراد جاں بحق