گوگل نیوز پر ہمیں فالو کریںپاکستان تحریک انصاف کے رہنما اسد عمر نے سابق وزیر خزانہ شوکت ترین کی لیک آڈیو کا دفاع کرتے ہوئے کہا ہے کہ شوکت ترین کا محسن لغاری اور تیمور سلیم جھگڑا سے فون پر رابطہ کرنا اور کوئی مشورہ دینے میں کوئی غلط بات نہیں ہے۔
تفصیلات کے مطابق صوبائی وزیر خزانہ تیمور سلیم جھگڑا کے ہمراہ پریس کانفرنس کرتے ہوئے تحریک انصاف کے رہنما اسدعمر کا کہنا تھا کہ 2 ماہ ہوگئے خیبر پختونخوا کے وزیر خزانہ کو وقت نہیں دیا جاتا، خط لکھا تو پھر کیسے وقت نکل آیا، آپ طاقت کے نشے میں تھے۔
اسد عمر نے کہا کہ سابق وزیر خزانہ شوکت ترین نے فون کیا تو وہ ٹیپ ہوگیا، شوکت ترین نے کہا دونوں وزرئے اعلیٰ صوبوں کے وسائل پربات کریں، آئی ایم ایف سے رعایت مانگ رہے تھے ،اس پر طوفان کھڑا کردیا۔
آڈیو لیک: سیاست چمکانے کیلئے تحریک انصاف کسی بھی حد تک جاسکتی ہے، مفتاح اسماعیل
انہوں نے کہا کہ سیلاب کے ریلیف کے لئے آئی ایم ایف سے کیوں نہیں کہہ سکتے، حکومت بوکھلاہٹ کا شکار ہے، کوئی غیر قانونی طریقے ڈھونڈ رہے ہیں۔
اسد عمر کا مزید کہنا تھا کہ آج رات عمران خان وزرائے اعلیٰ کے ساتھ بیٹھ کر فنڈ جمع کریں گے۔ انہوں نے کہاکہ حقیقت صرف تیمور سلیم جھگڑا کا خط ہے باقی سب رولا ہے، آئی ایم ایف کو خط نہیں لکھا، سارا پروپیگنڈا جھوٹ نکلا۔
شوکت ترین اور صوبائی وزراء کی گفتگو ریکارڈ کرنا مجرمانہ فعل ہے۔ شیریں مزاری
دوسری جانب خیبر پختونخوا کے وزیر خزانہ تیمور سلیم جھگڑا کا کہنا تھا کہ وزیر خزانہ کو پہلا خط بجٹ سے پہلے اور دوسرا جولائی میں بھی لکھا، یہ سارا معاملہ فاٹا کے انضمام پر شروع ہوا تھا۔
شوکت ترین کی صوبائی وزراء سے ٹیلیفونک گفتگو کی مبینہ آڈیو لیک
