نائیجیریا،اغواکاروں کے ہاتھوں مغوی بنائے گئے پاکستانی ڈاکٹر کو رہائی مل گئی

نائیجیریا،اغواکاروں کے ہاتھوں مغوی بنائے گئے پاکستانی ڈاکٹر رہائی مل گئی

نائیجیریا:دفتر خارجہ کے مطابق نائیجیریا میں اغواکاروں کے ہاتھوں مغوی بنائے گئے پاکستانی شہری ڈاکٹر ابوذر محمد افضل کو نائیجیریا میں اغواکاروں نے رہا کردیا ہے۔

وزارت خارجہ کی جانب سے پاکستانی ڈاکٹر کی اغواکاروں سے رہائی پر نائیجیریا کی حکومت اورعوام کا شکریہ ادا کیا گیا ہے۔ وزارت خارجہ کے جاری کردہ بیان میں کہا گیا ہے کہ ڈاکٹر ابوذر کی رہائی ممکن بنانے پر نائیجیریا کی حکومت اور عوام کے شکر گزار ہیں۔

وزارت خارجہ کے مطابق ڈاکٹر ابوذر کو ابوجہ میں پاکستان ہائی کمیشن نے سفری دستاویزات جاری کر دیے ہیں وہ آج رات نائیجیریا سے پاکستان کے لیے روانہ ہوں گے۔

بیان کے مطابق ڈاکٹرابوذر نے اغواکاروں سے اپنی رہائی کے لیے مذاکرات اور رہائی کی کوششیں کرنے والے تمام افراد کے ساتھ پاکستان اور نائیجیریا کی حکومتوں کا بھی شکریہ ادا کیا ہے۔

ڈاکٹر ابوذر محمد افضل نائیجیریا میں ایک شپنگ کمپنی میں ملازمت کر رہے تھے، 28 مارچ 2022 کو درجنوں مسافروں سمیت انہیں بھی یرغمال بنا لیا گیا تھا۔

اغواکاروں کی جانب سے ایک ماہ قبل 13 یرغمالیوں کو رہا کیا گیا تھا جبکہ گزشتہ رات رہا کیے گئے 7 یرغمالیوں میں ڈاکٹر ابوذر واحد غیر ملکی ہیں۔

مزید پڑھیں:جنوبی افریقہ میں بار میں فائرنگ سے 18 افراد ہلاک

نائیجیریا میں 3مہینے تک مغوی رہنے والے پاکستانی ڈاکٹر ابوذر کی رہائی پر وزارتِ خارجہ کی جانب سے وزیراعظم پاکستان، وزیر خارجہ اور وزیرِمملکت خارجہ اُمور کابھی شکریہ ادا کیا گیا ہے۔

کیا آپ بھی جعلی خبروں سے پریشان ہیں؟ تو ڈاؤن لوڈ کریں ایم ایم نیوز کی اپلیکیشن اور جانبدار خبروں سے جان جھڑائیں
تبصرے: 0

آپ کا ای میل پتہ شائع نہیں کیا جائے گا۔ مطلوبہ فیلڈز * کے ساتھ نشان زد ہیں