گوگل نیوز پر ہمیں فالو کریںپاکستان کی معروف ادا کارہ نرگس نے سوشل میڈیا پر شہرت کو نقصان پہنچانے کے الزام میں اداکارہ نگار چوہدری سمیت 10 سے زائد یو ٹیوبرز کے خلاف ایف آئی اے سائبر کرائمز سیل میں مقدمہ درج کرا دیا۔
ترجمان ایف آئی اے لاہور کے مطابق سائبر کرائمز سیل نے پیکا ایکٹ کے تحت مقدمہ درج کیا ہے، سائبر کرائمز سیل نے مقدمہ دفعہ 20،21 اور 511 کے تحت درج کیا۔
دیکھئے ویڈیو: معروف فیمیل ٹک ٹاکر کے شاداب خان کیساتھ تعلقات میں رہنے کا انکشاف
وفاقی تحقیقاتی ایجنسی کے مطابق مقدمہ میں اداکارہ نگار چوہدری سمیت 10سے زائد یوٹیوبرز کو نامزد کیا گیا ہے۔
معروف اداکارہ نے الزام لگایا کہ ان سب افراد نے سوشل میڈیا پر ان کی شہرت کو نقصان پہنچایا ہے۔
گزشتہ دنوں لاہور کے علاقے ڈیفنس سی میں اداکارہ نرگس کو ان کے شوہر انسپکٹر ماجد بشیر نے مبینہ تشدد کا نشانہ بنایا، دونوں میاں بیوی میں پیسوں کے تنازع پر جھگڑا ہوا تھا، اداکارہ نے شوہر کے خلاف بھی مقدمہ درج کرایا تھا۔
