گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ کورونا وائرس کی روک تھام کیلئے وینٹی لیٹرز کے مزید ڈیزائن انجینئرنگ کونسل اور ڈراپ کو موصول ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ ڈراپ نے وینٹی لیٹرز کیلئے برطانوی معیار اپنانے کا فیصلہ کیا ہے۔
وفاقی وزیر فواد چوہدری نے کہا کہ وینٹی لیٹرز کے ڈیزائنز کے حوالے سے تفصیلات ڈراپ کی ویب سائٹ پر مہیا کردی گئی ہیں جس کے بعد مینوفیکچرنگ کا آغاز ہوگا۔
فواد چوہدری نے کہا کہ جونہی کورونا وائرس کے خلاف وینٹی لیٹرز کے ڈیزائن کی کوالٹی کلیرنس مکمل ہوگی، مینوفیکچرنگ شروع ہوجائے گی۔
وینٹیلیٹرز کے مزید ڈیزائن انجینرنگ کونسل اور ڈراپ کو موصول ہو ئے ہیں ڈراپ نے وینٹیلیٹرز کیلئے UK standards اپنانے کا فیصلہ کیا ہےاس حوالے سے تفصیلات ڈراپ کی website پر مہیا کر دی گئ ہیں۔ جوں ہی کوالٹی کلئرینس کا عمل مکمل ہوتا ہے Manufacturing شروع ہو جائیگی۔ #CoronaInPakistan
— Ch Fawad Hussain (@fawadchaudhry) April 9, 2020
یاد رہے کہ اس سے قبل وزیرِ اعظم کے معاونِ خصوصی برائے امورِ صحت ڈاکٹر ظفر مرزا نے کہا کہ کورونا وائرس کے چیلنج سے نمٹنے کے لیے ڈراپ ماہرین کی کمیٹی تیزی سے کام کر رہی ہے۔
ٹوئٹر پر اپنے پیغام میں معاونِ خصوصی صحت ڈاکٹر ظفر مرزا نے کہا کہ میں نے ڈرگ ریگولیٹری اتھارٹی (ڈراپ) کے ماہرین پر مشتمل کمیٹی کو گزشتہ ہفتے تشکیل دیا جو وینٹی لیٹرز کے مسئلے کو حل کرنے کے لیے کام کرے گی۔
مزید پڑھیں: ڈراپ ماہرین کی کمیٹی کورونا پر تیزی سے کام کر رہی ہے۔ظفر مرزا
