کراچی : قائد آباد کے علاقے یار محمد گوٹھ سے لاپتہ ہونے والی 10سالہ رمشاء کا پولیس تاحال کوئی سراغ نہ لگا سکی، والدین کا کہنا ہے کہ اگر یہ کسی امیر کی بیٹی ہوتی تو اب تک پوری مشینری حرکت میں آچکی ہوتی۔
ذرائع کے مطابق 10سالہ بچی رمشاء 24ستمبر کو مدرسے سے لاپتہ ہوئی تھی، والدین کی جانب سے الزام عائد کیا گیا ہے کہ مدرسے والے بھی بچی کے حوالے سے معلومات دینے میں تعاون نہیں کررہے۔
لاپتہ ہونے والی رمشاء کے والد کا کہنا ہے کہ واقع کا مقدمہ 24تاریخ کو درج کروانے کے باوجود پولیس کی جانب سے کوئی کارروائی نہیں کی گئی اور انویسٹی گیشن آفیسر نے 3روز کے بعد رابطہ کیا۔
انہوں نے پولیس کے اعلیٰ حکام سے اپیل کی ہے کہ انویسٹی گیشن آفیسر (آئی او) کے خلاف کیس میں دلچسپی نہ لینے پر کارروائی کی جائے اور اس کیس کو کسی ایماندار افسر کے سپرد کیا جائے۔ تاکہ بچی کو جلد سے جلد بازیاب کرایا جاسکے۔