اسلام آباد:پنجاب کے مختلف شہروں میں طلبہ کی جانب سے کیا جانے والا احتجاج رنگ لےآیا۔ ہائر ایجوکیشن کمیشن نے یونیورسٹیز کو طلبہ سے آن لائن امتحانات لینے کی ہدایات جاری کردیں۔
تفصیلات کے مطابق وفاقی وزیر تعلیم شفقت محمود نے ہائرایجوکیشن کمیشن کی جانب سے طلبہ سے آن لائن امتحانات لینے کے فیصلے کا خیرمقدم کرتے ہوئے سماجی رابطے کی ویب سائٹ ٹوئٹر پر خوشی کا اظہار کیا ہے۔
I am happy to note that HEC has formally allowed the universities to conduct online exams with adequate safeguards. This paves the way for them to devise right procedures quickly to do so. Education standards must be kept up. Work hard students and wish you the best pic.twitter.com/8jgLKedivp
— Shafqat Mahmood (@Shafqat_Mahmood) January 27, 2021
سماجی رابطے کی ویب سائٹ ٹوئٹر پر اپنے پیغام میں وفاقی وزیر تعلیم کا کہنا تھا کہ خوشی کی بات ہے کہ ایچ ای سی نے یونیورسٹیز کو مناسب حفاظتی انتظامات کے ساتھ آن لائن امتحانات کی باضابطہ اجازت دی ہے۔
انہوں نے کہا کہ اس سے انہیں صحیح طریقہ کار وضع کرنے کی راہ ہموار ہوجاتی ہے جس سے وہ کام کرسکیں۔ شفقت محمود کا کہنا تھا کہ طلبہ کو سخت محنت کرتے ہوئے۔ پیغام کے آخر میں وزیر تعلیم نے طلبہ کے لئے نیک خواہشات کا اظہار بھی کیا ہے۔
یہ بھی پڑھیں:پرائمری اور مڈل کلاسز کی تعلیم یکم فروری سے شروع ہوگی۔شفقت محمود کا اعلان