گوگل نیوز پر ہمیں فالو کریںمعروف فیشن ڈیزائنر ماریا بی، جو ایل جی بی ٹی کیو امور پر اپنے کھلے موقف کے لیے جانی جاتی ہیں، نے ڈیجیٹل میڈیا شخصیت اور ٹرانس جینڈر حقوق کی کارکن ڈاکٹر مہرب معیز اعوان کی جانب سے لگائے گئے الزامات پر سخت ردعمل ظاہر کیا، جس سے ایک عوامی تنازع پیدا ہو گیا اور سوشل میڈیا پر وسیع بحث چھڑ گئی۔
یہ تنازع اس وقت شروع ہوا جب معیز نے الزام لگایا کہ ماریا بی کے شوہر نے ایک ڈیٹنگ ایپ پر مبینہ طور پر پیغامات کے ذریعے ہراساں کیا، جس پر ڈیزائنر نے الزامات کی تردید کی اور قانونی کارروائی کی دھمکی دی۔
ماریا بی نے الزامات کے جواب میں معیز کو قانونی چارہ جوئی کی وارننگ دی اور کہا کہ “معیز عزیز، کیا آپ نہیں جانتے کہ سوشل میڈیا پر جعلی تصاویر یا ایڈٹس پوسٹ کرنا جرم ہے؟”
انہوں نے مزید کہا کہ وہ جانتی ہیں کہ معیز اس بات سے بخوبی واقف ہیں، لیکن انہوں نے یہ بھی کہا کہ کوئی زیادہ توقع نہیں کی جا سکتی اس شخص سے جس نے پہلے اپنی شناخت کے بارے میں جھوٹ بولا ہو۔
ماریا بی نے کہا کہ ایسا شخص کچھ بھی کر سکتا ہے۔ پہلے یہ معاملہ صرف آپ اور میرے درمیان تھا، لیکن اب آپ نے میرے خاندان پر حملہ کیا ہے۔
انہوں نے مزید کہا کہ کردار کشی اور الزامات لگانا لمبے عرصے سے بعض ‘دیسی لبرلز’ کی حکمت عملی رہی ہے تاکہ اپنے ایجنڈے سے توجہ ہٹائی جا سکے، لیکن اب وہ خاموش نہیں رہیں گی۔
ماریا بی نے اعلان کیا کہ معیز کے خلاف قانونی کارروائی کی جائے گی، نیز ان پبلی کیشنز کے خلاف بھی جو بغیر تصدیق کے الزامات رپورٹ کر چکی ہیں۔
دریں اثنا سوشل میڈیا پر کئی صارفین ماریا بی کے حق میں نظر آ رہے ہیں اور انہیں حوصلہ دے رہے ہیں کہ وہ LGBTQ ایجنڈے کے خلاف اپنی آواز بلند کرتی رہیں۔
