گوگل نیوز پر ہمیں فالو کریںاسلام آباد: انتخابی اصلاحات سمیت دیگر معاملات پر اتفاق رائے کے لیے بلایا گیا پارلیمنٹ کا کل ہونے والا مشترکہ اجلاس موخر کر دیا گیا۔
وفاقی وزیر اطلاعات فواد چودھری کا سماجی رابطے کی ویب سائٹ ٹویٹر پر اپنے ایک بیان میں کہنا ہے کہ انتخابی اصلاحات ملک کے مستقبل کا معاملہ ہے، ہم نیک نیتی سے کوشش کر رہے ہیں کہ ان معاملات پر اتفاق رائے پیدا ہو۔
وفاقی وزیر اطلاعات کا کہنا تھا کہ اس سلسلے میں سپیکر اسد قیصر کو اپوزیشن سے ایک بار پھر رابطہ کرنے کا کہا گیا ہے تا کہ ایک متفقہ انتخابی اصلاحات کا بل لایا جا سکے۔
انتخابی اصلاحات ملک کے مستقبل کا معاملہ ہے، ہم نیک نیتی سے کوشش کر رہے ہیں کہ ان معاملات پر اتفاق رائے پیدا ہو اس سلسلے میں اسپیکر اسد قیصر کو اپوزیشن سے ایک بار پھر رابطہ کرنے کا کہا گیا ہے،تا کہ ایک متفقہ انتخابی اصلاحات کا بل لایا جا سکے
— Ch Fawad Hussain (@fawadchaudhry) November 10, 2021
فواد چوہدری نے کہا کہ پارلیمان کے مشترکہ اجلاس کو اس مقصد کیلئے موْخر کیا جا رہا ہے۔ ہمیں امید ہے اپوزیشن ان اہم اصلاحات پر سنجیدگی سے غور کرے گی اور ہم پاکستان کے مستقبل کیلئے ایک مشترکہ لائحہ عمل ترتیب دے سکیں گے، تاہم ایسا نہ ہونے کی صورت میں ہم اصلاحات سے پیچھے نہیں ہٹ سکتے۔
واضح رہے کہ گزشتہ روز قومی اسمبلی اجلاس میں دو بلز کی تحریک پر حکومت کو شکست ہوئی تھی۔مسلم لیگ ن کے جاوید حسنین نے امیدوار پر 7 سال تک انتخابی نشان تبدیل نہ کرنے کا بل پیش کیا جس کی حکومت نے مخالفت کی تھی۔
مزید پڑھیں: سانحہ اے پی ایس کے وقت ن لیگ کی حکومت تھی، فوادچوہدری، رپورٹ پیش کرینگے، شیخ رشید
