بھارتی کپتان ویرات کوہلی کا انڈین ٹیم کی قیادت چھوڑنے کا اعلان

ممبئی: بھارتی کرکٹ ٹیم کے کپتان ویرات کوہلی نے ٹی ٹوئنٹی ورلڈکپ کے بعد مختصر فارمیٹ میں بھارتی ٹیم کی قیادت چھوڑنے کا اعلان کردیا۔

تینوں فارمیٹس میں بھارتی ٹیم کی کپتانی کرنے والے سپر اسٹار ویرات کوہلی نے ٹوئٹر پر اپنی نیشنل ٹیم کی قیادت چھوڑنے کا اعلان کردیا اور اس حوالے سے انہوں نے ایک پوسٹ بھی ٹوئٹر پر شیئر کی۔

🇮🇳 ❤️ pic.twitter.com/Ds7okjhj9J

— Virat Kohli (@imVkohli) September 16, 2021

ویرات کوہلی نے اپنی پوسٹ میں کہا کہ وہ دبئی میں شیڈول ٹی ٹوئنٹی ورلڈکپ کے بعد مختصر فارمیٹ میں بھارتی ٹیم کی قیادت چھوڑ دیں گے تاہم ون ڈے انٹرنیشنل اور ٹیسٹ میچوں میں بھارتی ٹیم کی قیادت جاری رکھیں گے۔

مزید پڑھیں: پاکستان اور نیوزی لینڈ کے مابین ون ڈے انٹرنیشنل سیریز کی ٹرافی کی رونمائی کردی گئی

واضح رہے کہ اس حوالے سے کچھ دنوں سے چہ مگوئیاں چل رہیں تھی کہ بھارتی کرکٹر روہت شرما کو ٹی ٹوئنٹی ٹیم کی قیادت کرنی چاہئے، کیونکہ ان کی کارکردگی کوہلی کے مقابلے میں بہت بہتر رہی ہے۔