گوگل نیوز پر ہمیں فالو کریںسرینگر: بھارتی وزیر اعظم کی جانب سے منعقد کرائی گئی آل پارٹیز کانفرنس میں مقبوضہ کشمیر کے 14 سیاسی رہنماء شریک ہوئے، مگر اس بیٹھک کا کوئی خاص نتیجہ نہیں نکل سکا۔
آل پارٹیز کانفرنس میں مقبوضہ کشمیر کی قیادت کی جانب سے مودی سے آرٹیکل 370 کی بحالی کا مطالبہ کیاگیا، محبوبہ مفتی نے مسئلہ کے حل کے لئے پاکستان کے ساتھ مذاکرات پر زور دیا۔
بھارتی وزیر اعظم کی کشمیری قیادت کے ساتھ آل پارٹیز کانفرنس بے نتیجہ ختم ہوگئی، ساڑھے 3 گھنٹے تک جاری رہنے والے اجلاس میں شرکا نے آرٹیکل 370 کے خاتمہ پر بھارتی وزیر اعظم پر تنقید کے نشتر برسا دیئے۔
We are committed to ensure all round development of J&K.
The future of Jammu and Kashmir was discussed and the delimitation exercise and peaceful elections are important milestones in restoring statehood as promised in parliament.
— Amit Shah (Modi Ka Parivar) (@AmitShah) June 24, 2021
بھارتی وزیر اعظم نے مقبوضہ وادی کے سیاسی رہنماؤں سے کہا کہ مناسب وقت پر مقبوضہ وادی کی ریاستی حیثیت بحال کی جائے گی۔
مقبوضہ کشمیر کی سابق وزیر اعلیٰ محبوبہ مفتی نے اے پی سی کے بعد کہا کہ 5 اگست 2019ء سے مقبوضہ کشمیر کی عوام تکلیف میں ہے، بی جے پی نے 70 سال کشمیر کی ریاستی حیثیت ختم کرنے کی جدو جہد کی۔ ہم بھی کشمیر کی ریاستی حیثیت بحال کروا کر دم لیں گے۔
محبوبہ مفتی نے بھارتی وزیر اعظم سے پاکستان کے ساتھ تجارتی تعلقات بحال کرنے کا مطالبہ بھی کیا تاکہ مقبوضہ وادی میں بسنے والے کشمیریوں کے معاشی حالات بہتر ہوں۔
میٹنگ کے بعد میڈیا سے گفتگو کرتے ہوئے مقبوضہ کشمیر کے سابق وزیر اعلیٰ عمر عبداللہ نے بھی کہا کہ کشمیر کی ریاستی حیثیت کی بحالی تک لڑائی جاری رہے گی، پاکستان ہمارا ہمسایہ ملک ہے اور رہے گا، دوست بدلے جاسکتے ہیں مگر ہمسائے نہیں۔
We are committed to ensure all round development of J&K.
The future of Jammu and Kashmir was discussed and the delimitation exercise and peaceful elections are important milestones in restoring statehood as promised in parliament.
— Amit Shah (Modi Ka Parivar) (@AmitShah) June 24, 2021
