گوگل نیوز پر ہمیں فالو کریںنریندر مودی کی سربراہی میں بھارت، جو خود کو دنیا کی “عظیم جمہوریت” کہلوانے کا دعویدار ہے، ایک بار پھر اپنی فوج کے گھناؤنے کردار کے ساتھ عالمی ساکھ کے گڑھے میں گرتا نظر آ رہا ہے۔
کرنل امیت کمار نے بھارتی فوج کے اندر چھپے جنسی درندوں کا پول کھول کر مودی سرکار کی نااہلی اور فوج کی اخلاقی پستی کو ننگا کر دیا ہے۔ یہ کوئی عام واقعہ نہیں، بلکہ ایک ایسی شرمناک حقیقت ہے جو بھارتی فوج کے دعووں اور مودی کے “نئے بھارت” کے نعرے کو منہ پر طمانچہ مارتی ہے۔
کرنل امیت کمار نے انکشاف کیا کہ ان کی بیوی کو فوج کے اعلیٰ افسران جن میں ایڈجوٹنٹ جنرل لیفٹیننٹ جنرل ایس پی سنگھ، بریگیڈیئر پربھو، اور میجر جنرل سندیپ شامل ہیں نے جنسی زیادتی کا نشانہ بنایا۔یہ وہ لوگ ہیں جو دن رات “ڈیوٹی” اور “آرڈرز” کی آڑ میں اپنی حیوانیت کو چھپاتے ہیں۔
کرنل امیت کے مطابق، جب وہ اپنی بیوی کو فیملی وارڈ سے لے کر آئے، تو اس کی عزت کو فوج کے ان “محافظوں” نے پامال کر دیا۔ ویڈیوز موجود ہیں لیکن کیا مودی سرکار نے کوئی ایکشن لیا؟ بالکل نہیں بلکہ ایف آئی آر 33/2024 میں نامزد تین بریگیڈیئرز اور ایک لیفٹیننٹ کرنل کو کلین چٹ دے دی گئی۔ اور کون تھا اس کیس کی تحقیقات کا ذمہ دار؟ وہی جن پر الزامات تھے واہ، مودی جی، یہ ہے آپ کا انصاف؟
کرنل امیت نے سوال اٹھایا کہ آرمی چیف اس سنگین جرم پر خاموش کیوں ہیں؟ یہ کوئی معمولی غلطی نہیں، بلکہ ایک سوچا سمجھا مجرمانہ عمل ہے۔ اسپتال سے میڈیکل دستاویزات تک فراہم نہیں کی گئیں، جو یونیفارم میں ملبوس ان ڈاکٹروں کی اصلیت کو عیاں کرتی ہیں۔
There is no answer to such acts @India_NHRC @NCWIndia Why are you existing? You take due motto cognizance of professor ? But your eyes remain closed on this act? Why did you not carried out check on ICC committee at Ambala? Which law allowed an inquiry in this way? With force.… pic.twitter.com/0Oc7lI14Rq
— Col Amit Kumar 🇮🇳INDIAN COMRADE 🇮🇳 (@ColAmitkumar) June 27, 2025
انہوں نے کہا کہ جب فوج کے کمانڈرز ہی درندگی کے مرتکب ہوں، تو انصاف کی امید کس سے کی جائے؟ کرنل امیت نے صاف کہا کہ بھارتی جنرلز خود کو قانون سے بالاتر سمجھتے ہیں۔ مودی سرکار نے انہیں خواتین کی عزت سے کھیلنے کا کھلا پروانہ دے رکھا ہے۔
مودی کی نااہل حکومت نے نہ صرف فوج کے ان درندوں کو تحفظ دیا، بلکہ متاثرین پر دباؤ ڈالنے کے لیے جھوٹے پیغامات اور کردار کشی کی گھٹیا حکمت عملی بھی اپنائی۔
قومی خواتین کمیشن کی شکایت پر ایس پی کانگڑا کو پانچ دن میں نئی پوسٹنگ پر بھاگنے کا موقع دیا گیا۔ یہ ہے مودی کا “خواتین کے تحفظ” کا دعویٰ؟ فوج ویڈیوز بناتی ہے، متاثرین کو بلیک میل کرتی ہے اور مودی سرکار خاموش تماشائی بنی بیٹھی ہے۔
کرنل امیت نے عزم کیا ہے کہ وہ ویسٹرن کمانڈ کی اس گھناؤنی حقیقت کو بے نقاب کر کے رہیں گے، لیکن سوال یہ ہے کہ کیا مودی کی سرپرستی میں یہ درندے کبھی سزا پائیں گے؟
اڈیشہ کے خوفناک واقعے سے لے کر ویسٹرن کمانڈ تک، بھارتی فوج وردی کی آڑ میں انسانی حقوق کی پامالی کی نئی داستانیں رقم کر رہی ہے۔
یہ وہی فوج ہے جو “بہادری” کے تمغے سینے پر سجاتی ہے، لیکن حقیقت میں خواتین کی عزت کو روندنے میں مصروف ہے۔ مودی سرکار کی بدولت یہ درندے نہ صرف آزاد گھوم رہے ہیں بلکہ انہیں اعزازات سے بھی نوازا جا رہا ہے۔
بھارت، جو خود کو عالمی طاقت کہلوانے کا خواب دیکھتا ہے، اپنی فوج کے ان جرائم سے عالمی سطح پر رسوا ہو رہا ہے۔
یہ ہے مودی کا “شائننگ انڈیا”، جہاں فوج خواتین کی عزت کو پامال کرتی ہے، اور سرکار ان کی پشت پناہی کرتی ہے۔
کرنل امیت کمار نے آئینہ دکھایا ہے، لیکن کیا مودی سرکار اس شرمناک حقیقت کو تسلیم کرے گی؟ یا پھر یہ درندے وردی کی آڑ میں اپنی ہوس کا شکار ڈھونڈتے رہیں گے؟
