گوگل نیوز پر ہمیں فالو کریںبھارتی حکومت نے پہلگام حملے کے بعد جمعرات کے روز پاکستان حکومت کے سرکاری ایکس (سابقہ ٹوئٹر) اکاؤنٹ کو بھارتی علاقے میں بلاک کر دیا۔
مختلف رپورٹوں کے مطابق جو صارفین اس اکاؤنٹ کو دیکھنے کی کوشش کر رہے ہیں، انہیں ایک نوٹس کا سامنا ہے جس میں قانونی وجوہات کو بلاک کرنے کی وجہ قرار دیا گیا ہے۔
یہ اقدام اسلام آباد اور نئی دہلی کے درمیان بڑھتی ہوئی کشیدگی کے پس منظر میں سامنے آیا ہے، خاص طور پر پہلگام میں حالیہ حملے کے بعد جس کے نتیجے میں 28 افراد کی ہلاکت ہوئی۔
بھارتی حکام نے فوری طور پر سرحد پار عناصر پر الزام عائد کیا ہے لیکن کوئی قابل اعتماد ثبوت پیش نہیں کیا گیا اور پاکستان نے ہمیشہ تمام اقسام کی دہشت گردی کی مذمت کی ہے۔ مقبوضہ جموں و کشمیر میں بھارتی فوجی آپریشنز جاری ہیں۔
صورتحال خاص طور پر پہلگام کے واقعے کے بعد کشیدہ ہے جسے بھارتی میڈیا نے 2019 کے بعد کا سب سے مہلک حملہ قرار دیا ہے۔ تاہم پاکستان میں اور عالمی مبصرین کی آوازیں مسلسل اس بات پر زور دیتی ہیں کہ بیانات میں کمی لائی جائے اور اس واقعے کی شفاف تحقیقات کی جائیں۔
اس سے پہلے بھارتی حکام نے اٹاری چیک پوسٹ کو فوری طور پر بند کرنے کا اعلان کیا تھا جو اٹاری واہگہ بارڈر پر واقع ہے اور دونوں ممالک کے درمیان واحد سڑک رابطہ تھا۔
اٹاری واہگہ چیک پوسٹ جو تجارت اور عوامی تعلقات کے لیے ایک اہم راستہ تھی فوری طور پر بند کر دی گئی ہے اور بھارت میں موجود پاکستانیوں کو ہدایت کی گئی ہے کہ وہ یکم مئی 2025 تک اپنے وطن واپس لوٹ آئیں۔
