کراچی: دنیا بھر کی طرح پاکستان میں بھی ہندو برادری کی جانب سے ہولی کا تہوار مذہبی جو ش و جذبے کے ساتھ منایا جارہا ہے۔
وزیراعظم عمران خان نے ہندو برادری کو ہولی کی مبارکباد دی۔ انہوں نے ہندو برادری کو رنگوں کے تہوار ہولی کی مبارکباد دی۔ صوبہ سندھ میں ہندو برادری بڑی تعداد میں موجود ہے، اس لئے سندھ حکومت کی جانب سے ہندو برادری کے لئے تعطیل کا اعلان کیا گیا ہے۔
ہولی، جسے رنگوں کا تہوار بھی کہا جاتا ہے، ایک مذہبی موقع ہے جو انتہائی خوشی اور جوش و خروش کے ساتھ منایا جاتا ہے۔ ہندو برادری میں یہ دیوالی کے بعد دوسرا سب سے بڑا تہوار سمجھا جاتا ہے، اس کی تقریبات دو دن تک جاری رہتی ہیں۔ یہ برائی پر اچھائی کی فتح کا جشن منایا جاتا ہے۔
ہولی کے تہوار کے روز ہندو برادری اپنے دوستوں اور اہل خانہ کے ساتھ رنگوں سے کھیلتے ہوئے یہ تہوار مناتی ہے، اپنے قریبی لوگوں سے محبت اور احترام کا اظہار کرتے ہیں۔ کراچی میں بھی ہندو برادری بھی ہولی مناتی ہے۔