دُنیا کے متعدد ممالک میں ماہرین کی پیشگوئی کے مطابق چاند گرہن کے ساتھ ساتھ سپر فلاور بلڈ مون کا دلفریب نظارہ بھی کھلی آنکھوں کے ساتھ دیکھا گیا ہے۔
عام طور پر سپر مون ایک مکمل طور پر چمکتے ہوئے خوبصورت چاند کا نظارہ ہوتا ہے جو زمین سے قریب ترین ہو تاہم دُنیا کے متعدد ممالک میں پورا چاند معمول سے ہٹ کر اپنے حجم سے زیادہ بڑا نظر آیا۔
اسی روز چاند گرہن کی پیشگوئی بھی کی تھی تھی، اس لیے چاند پر سرخی مائل رنگ غالب نظر آیا جسے سپر بلڈ مون کہا جاتا ہے، تاہم مئی کے مکمل چاند کو فلاور مون کہتے ہیں جو شمالی ہمپشائر کے علاقے میں پھولوں کی بہتات سے منسلک ہے۔
مجموعی طور پر یہ سب نظارے مل کر سپر فلاور بلڈ مون کی تشکیل کا باعث بنے۔ قبل ازیں ماہرین نے پیشگوئی کی کہ دُنیا کے متعدد ممالک میں رواں برس کا پہلا چاند گرہن ہوگا جو بعض مقامات پر مکمل، بعض پر جزوی اور بعض پر صفر ہوسکتا ہے۔
اس حوالے سے 2 روز قبل ماہرین کا کہنا تھا کہ امریکی ریاست نیویارک اور شکاگو کے علاوہ چینی دارالحکومت بیجنگ اور ارجنٹائن میں چاند گرہن جزوی طور پر نظر آئے گا۔ پاکستان میں دن کا وقت ہونے کے باعث چاند گرہن نظر آنے کا کوئی امکان نہیں۔