گوگل نیوز پر ہمیں فالو کریںپاکستانی ہدایتکار یاسر نواز، جو ڈرامہ ‘چپ رہو’ اور فلموں ‘رونگ نمبر’ اور ‘رونگ نمبر 2’ کے لیے مشہور ہیں، نے حالیہ بیان میں کہا ہے کہ فیروز خان کو اسٹار بنانے میں ان کا اہم کردار ہے۔ ان کے اس دعوے نے مداحوں اور انڈسٹری میں ایک نئی بحث چھیڑ دی ہے۔
یاسر نواز نے اداکارہ اشنا شاہ کے ٹاک شو ‘آفٹر آورز’ میں گفتگو کرتے ہوئے کہا کہ انہوں نے 2014 میں ڈرامہ ‘چپ رہو’ کے لیے فیروز خان کو سجل علی کے ساتھ کاسٹ کرنے کا فیصلہ کیا تھا۔ اس وقت فیروز خان صرف ایک وی جے کے طور پر کام کر رہے تھے۔ یاسر کا کہنا تھا، “میں نے دنیا کو ایک نیا اسٹار دیا۔” انہوں نے مزید کہا کہ فیروز خان کے پاس اداکاری کا کوئی تجربہ نہیں تھا، لیکن ان میں ٹیلنٹ دیکھ کر انہیں موقع دیا گیا۔
یہ پہلی بار نہیں ہے کہ یاسر نواز نے کھل کر کسی اداکار کے بارے میں بات کی ہو۔ 2021 میں انہوں نے علیزے شاہ کے ساتھ کام کرنے کو ایک چیلنج قرار دیا تھا۔ اس پر فیروز خان نے علیزے شاہ کی حمایت کرتے ہوئے کہا تھا کہ سینئر اداکاروں کو نئے آنے والوں کی بے عزتی سے گریز کرنا چاہیے۔
یاسر نواز کے اس دعوے نے ایک نئی بحث کو جنم دیا ہے: کیا فیروز خان کی کامیابی کا سہرا یاسر نواز کے سر جاتا ہے یا یہ فیروز خان کی محنت اور صلاحیت کا نتیجہ ہے؟
