گوگل نیوز پر ہمیں فالو کریںاگر آپ پاکستان سے ہنگری کی سیاحت کا ارادہ رکھتے ہیں تو آپ کو ٹائپ سی شینجن ویزا کی ضرورت ہوگی جو کہ 180 دن کے عرصے میں زیادہ سے زیادہ 90 دن وہاں قیام کی اجازت دیتا ہے۔
اس ویزے کے لیے درخواست دینے والوں کے لیے ہنگری کا سفارت خانہ اسلام آباد میں مستند اتھارٹی ہے۔
ویزے کے حصول کے لیے سب سے اہم شرط مالی حیثیت کا ثبوت ہے۔ درخواست گزار کو اپنے بینک اکاؤنٹ کی پچھلے چھ ماہ کی اسٹیٹمنٹ فراہم کرنا ہوگی، جو متعلقہ بینک کی مہر اور دستخط کے ساتھ تصدیق شدہ ہو۔
اس کے علاوہ، درخواست دہندہ کو اپنا قومی ٹیکس نمبر اور آمدنی کے ذرائع کو ظاہر کرنے والی دیگر ضروری دستاویزات بھی پیش کرنا ہوں گی۔
سرکاری رپورٹس کے مطابق ہنگری میں قیام کے لیے کم از کم مالی ضرورت 10000 ہنگرین فورنٹ (HUF) ہے۔ موجودہ تبادلہ نرخ کے مطابق ایک پاکستانی شہری کو تقریباً 7 لاکھ روپے کا بیلنس ظاہر کرنا ہوگا تاکہ وہ مکمل 90 دن کا قیام ثابت کر سکے۔
اگر کوئی مسافر یہ مالی شرائط پوری نہ کر سکے تو نہ صرف اس کی ویزا درخواست مسترد ہو سکتی ہے بلکہ ہنگری کی سرحد پر داخلے سے بھی روکا جا سکتا ہے۔
ویزے کی منظوری کے لیے دیگر لازمی دستاویزات میں درج ذیل شامل ہیں:
ہوٹل بکنگ کی تصدیق
صحت کی انشورنس
واپسی کی فلائٹ کے ٹکٹ
درست پاسپورٹ اور مکمل ویزا درخواست فارم
درخواست گزاروں کو ہدایت کی جاتی ہے کہ وہ ان تمام دستاویزات کو مکمل طور پر تیار رکھیں تاکہ ویزا مسترد ہونے کے خطرے سے بچا جا سکے۔
ہنگری شینجن ویزا فیس اپریل 2025
اپریل 2025 کے مطابق پاکستان میں ہنگری کے شینجن ویزے کی فیس 25ہزار 925 روپے ہے۔
جو پاکستانی سیاح ہنگری جانے کا ارادہ رکھتے ہیں، انہیں چاہیے کہ وہ اپنی مالی دستاویزات اور دیگر مطلوبہ ثبوت مکمل تیاری کے ساتھ جمع کروائیں تاکہ ویزے کے عمل کو آسان اور کامیاب بنایا جا سکے۔
مزید معلومات کے لیے ہنگری کے اسلام آباد میں واقع سرکاری سفارت خانے کی ویب سائٹ یا وی ایف ایس گلوبل جیسے مجاز ویزا مراکز سے رجوع کریں۔
