زبیر عمر کی نازیبا ویڈیو، خفیہ کیمرے ہم نے نہیں لگائے، ہوٹل انتظامیہ کی وضاحت

موسم

قیمتیں

ٹرانسپورٹ

کراچی: سابق گورنر سندھ و مسلم لیگ ن کے مرکزی رہنماء محمد زبیر عمر کی ویڈیو لیک ہونے کے حوالے سے مقامی ہوٹل کی انتظامیہ نے وضاحتی بیان جاری کردیا ہے۔

انتظامیہ کی جانب سے جاری کردہ بیان کے مطابق آواری ہوٹل کے صارفین کو یہ یقین دہانی کروائی گئی ہے کہ ہوٹل کے کمروں میں کوئی خفیہ کیمرے نصب نہیں ہیں۔Hotel management issues explanation related to Zubair Umar's leaked videoان کا کہنا ہے کہ ہوسکتا ہے کہ کسی نے مذموم مقاصد کیلئے خود سے کیمرے نصب کئے ہوں تو اس سے ہوٹل انتظامیہ کا کوئی تعلق نہیں ہے اور ہوٹل انتظامیہ مہمانوں کی پرائیویسی کا مکمل خیال رکھتی ہے۔

مزید پڑھیں:کیا محمد زبیر عمر کی لیک ہونے والی ویڈیو جعلی ہے؟

واضح رہے کہ دو روز قبل سابق گورنر سندھ کی ایک نازیبا ویڈیو وائرل ہوئی تھی جبکہ ایک مقامی خبررساں ادارے نے اس ویڈیو میں نظر آنے والے کمرے کے حوالے سے دعویٰ کیا تھاکہ کراچی کے ایک مقامی ہوٹل کا کمرہ ہے۔

مقامی خبر رساں ادارے کی طرف سے خبرکی اشاعت کے بعد ہوٹل انتظامیہ نے وضاحت کی ہے کہ ویڈیو بنانے یا خفیہ کیمرے لگانے میں ہوٹل انتظامیہ کا کوئی عمل دخل نہیں ہے۔