ویڈیو اسٹریمنگ پلیٹ فارم نیٹ فلکس پر رواں ماہ پیش کیے جانے والے مختلف مشہور سلسلوں کی فہرست سامنے آگئی۔
نیٹ فلکس نے مارچ میں اپنے ناظرین و سامعین کی بھرپور تفریح کا اہتمام کیا ہے۔
مرڈر مسٹری 2 (مارچ 31)
یہ فلم ایڈم سینڈلر اور جینیفر اینسٹن اسٹارر فلم 2019 کی مرڈر مسٹری کا سیکوئل ہے۔ دوسرے حصے کی کہانی نک اور آڈری اسپٹز کے قتل کے پہلے معمہ کو حل کرنے کے چار سال بعد شروع ہوئی ہے۔
فلم میں جوڑی کو دوست مہاراجہ (عدیل اختر) کی شادی میں اس کے نجی جزیرے پر مدعو کیا جاتا ہے جسے بعد میں اغوا کر لیا جاتا ہے اور یہ جوڑا ایک بار پھر اس راز سے پردہ اٹھانے کی کوشش کرتا ہے۔
کِل بوکسون (31 مارچ)
یہ ایک ایکشن ڈرامہ فلم ہے جس میں ایک خاتون کو دکھایا گیا ہے جو پیشہ ورانہ طور پر ایک مشہور قاتل ہے، تاہم، گھر میں اس کا ایک الگ ہی روپ ہے اسے گھریلوخاتون کے طور پر دکھایا گیا ہے۔
دی نائٹ ایجنٹ (23 مارچ)
سیریز میتھیو کوئرک کے مشہور ناول دی نائٹ ایجنٹ پر مبنی ہے۔ اسے ایک خفیہ مشن سونپا جائے گا، مشن کے دوران وہ فون لائن کی نگرانی کررہا ہوتا ہے اور اسی دوران وہ ایک خطرناک سازش میں پھنس جاتا ہے۔
کاپی کیٹ کلر (31 مارچ)
کاپی کیٹ کلر ایک ایسی فلم ہے جس میں خوفناک قتل کا سلسلہ پورے شہر میں ایک افراتفری شروع کردیتا ہے، پھر ایک پراسکیوٹر قاتل کی تلاش میں نکلتا ہے۔
چور نکل کے بھاگا (24 مارچ)
چور کے نکل کے بھاگا ایک کرائم تھرلر فلم ہے، فلم میں ایک ایئرہوسٹس اور اس کے بزنس مین بوائے فرینڈ کو دکھایا جائے گا۔ وہ دونوں ہیرے چراتے ہیں اور اسی دوران گرفتاری سے بچنے کی کوشش کرتے ہیں۔
اَن اسٹیبل (30 مارچ)
اس فلم میں ایک باپ بیٹے کی کہانی دکھائی جائے گی جس میں بیٹا اپنے باپ کو کاروبارمیں نقصان سے بچانے کیلئے کام کرنے کا فیصلہ کرتا ہے۔