گوگل نیوز پر ہمیں فالو کریںہم نیٹ ورک کے 10ویں ہم ایوارڈز کی شاندار تقریب ہیوسٹن منعقد ہوئی جہاں شوبز ستاروں نے میلے کو چار چاند لگا دیئے۔ہم اسٹائل ایوارڈز میں ہانیہ عامر، سجل علی، کنزہ ہاشمی، سجل علی، رمشا خان سمیت دیگر ستاروں کا شاندار ریڈ کارپٹ استقبال کیا گیا۔
View this post on Instagram
امریکی شہر ہیوسٹن کے این آر جی ایرینا میں منعقدہ تقریب ہم ٹی وی کی ایک دہائی کی شاندار کامیابیوں کا جشن تھی جس میں پاکستانی تفریحی صنعت کے بہترین فنکاروں اور کام کو سراہا گیا۔ رات ستاروں سے سجی تھی، جہاں ریڈ کارپٹ پر گلیمر کی چمک اور شاندار پرفارمنسز نے ناظرین کو مسحور کر دیا۔
View this post on Instagram
ایونٹ میں تفریح، فیشن اور ڈراموں کے شعبے میں نمایاں خدمات کے اعتراف میں ایوارڈز دیئے گئے جس نے پاکستانی ثقافت کو عالمی سطح پر ایک بار پھر اجاگر کیا۔ یہ ہم ٹی وی کی عالمی شہرت کے سفر میں ایک اور یادگار لمحہ تھا۔
اداکارہ سجل علی نے 10ویں ہم ایوارڈز 2025 میں بہترین اداکارہ (Best Actress – Female) کا ایوارڈ اپنے نام کر لیا ہے۔ انہوں نے یہ اعزاز اپنے ڈرامہ زرد پٹوں کا بن میں شاندار اور جذباتی اداکاری کے لیے حاصل کیا جہاں انہوں نے ایک پیچیدہ کردار کو بے مثال انداز میں نبھایا۔
View this post on Instagram
پاکستانی شوبز کی مقبول اداکارہ ہانیہ عامر نے 10ویں ہم ایوارڈز 2025 میں گلوبل آئیکن (Global Icon) کا ایوارڈ اپنے نام کر لیا ہے۔ یہ اعزاز ان کی عالمی سطح پر بڑھتی ہوئی شہرت اور انٹرنیشنل پروجیکٹس میں شاندار کارکردگی کی پہچان ہے خاص طور پر ان کی حالیہ انڈین پنجابی فلم سرڈار جی 3 میں دلجیت دوسنجھ کے ساتھ اداکاری نے ناظرین کو مسحور کر دیا۔
View this post on Instagram
پاکستانی شوبز کی ملکہ ماہرہ خان نے 10ویں ہم ایوارڈز 2025 میں اپنی شاندار آمد سے سب کی نظریں اپنی طرف کھینچ لیں۔ ہاؤسٹن کے این آر جی ایرینا میں منعقد ہونے والی اس تقریب میں ماہرہ نے ایک خوبصورت ساڑھی میں ریڈ کارپٹ پر ایسی چھاپ چھوڑی کہ ہر کوئی ان کی سٹائل اور گلیمر کا دیوانہ ہو گیا۔ ان کا یہ لُک سوشل میڈیا پر تیزی سے وائرل ہو رہا ہے، اور مداح ان کی تعریفوں کے پل باندھ رہے ہیں۔
View this post on Instagram
پاکستانی شوبز اسٹار دانانیر مبین نے سوشل میڈیا پر ایک دلچسپ اپ ڈیٹ شیئر کی ہے جس میں انہوں نے ہاؤسٹن کو مخاطب کرتے ہوئے کہاکہ ہاؤسٹن، یہ ہو رہا ہے! یہ پوسٹ 10ویں ہم ایوارڈز 2025 کی تقریب کے فوراً بعد سامنے آئی جو گزشتہ رات امریکا کے ہاؤسٹن میں این آر جی ایرینا میں کامیابی سے منعقد ہوئی۔
View this post on Instagram
دانانیر جو ویرِی فِلْمی جیسے مقبول ڈرامے میں امیر کیانی کے ساتھ اپنی شاندار کیمسٹری کی وجہ سے مشہور ہیں اس تقریب میں بطور مہمانِ خصوصی شریک تھیں۔ ان کی یہ پوسٹ مداحوں میں جوش و خروش پیدا کر رہی ہے اور کئی لوگ اسے ایوارڈز کی لائیو ایونٹ یا ان کی کوئی خاص پرفارمنس کا اشارہ سمجھ رہے ہیں۔ دانانیر نے ریڈ کارپٹ پر بھی اپنے روایتی لُک سے سب کو متاثر کیا اور ان کی آن اسکرین جوڑے کی نامزدگی بھی توجہ کا مرکز رہی۔
ہم ٹی وی کے آفیشل سوشل میڈیا ہینڈل نے ایک دلچسپ اپ ڈیٹ شیئر کی ہے جس میں اداکارہ دانانیر مبین اور رمشا خان کو کشمیر 10ویں ہم ایوارڈز 2025 کی فائنل ریلسلز کے دوران دیکھا جا سکتا ہے۔
View this post on Instagram
یہ پوسٹ تقریب سے ایک دن پہلے یعنی 10 اکتوبر کو شیئر کی گئی، جس نے مداحوں میں جوش و خروش کی لہر دوڑا دی۔
