گوگل نیوز پر ہمیں فالو کریںپاکستان میں جمعہ 18 جولائی 2025 کو پاکستان میں سونے کی قیمت میں نمایاں اضافہ دیکھا گیا جو عالمی منڈی میں ہونے والی تبدیلیوں کا عکس ہے۔
آل پاکستان جیمز اینڈ جیولرز صرافہ ایسوسی ایشن کے مطابق فی تولہ سونے کی قیمت میں 2500 روپے کا اضافہ ہوا ہے جس کے بعد نئی قیمت 357600 روپے مقرر کی گئی ہے۔ اسی طرح 10 گرام سونے کی قیمت میں 2143 روپے کا اضافہ ہوا، جس کے بعد یہ 306584 روپے پر پہنچ گئی۔
یاد رہے کہ اس سے ایک دن قبل، جمعرات کو سونے کی قیمت میں 900 روپے کی کمی ہوئی تھی جس کے بعد فی تولہ سونا 355100 روپے پر آ گیا تھا۔
عالمی سطح پر بھی سونے کی قیمت میں اضافہ دیکھا گیا، جہاں فی اونس قیمت 25 ڈالر کے اضافے کے ساتھ 3351 ڈالر پر پہنچ گئی۔ اس میں 20 ڈالر کا پریمیم بھی شامل ہے، جیسا کہ صرافہ ایسوسی ایشن نے رپورٹ کیا۔
سونے کے ساتھ ساتھ چاندی کی قیمت میں بھی اضافہ ریکارڈ کیا گیا۔ فی تولہ چاندی کی قیمت 48 روپے بڑھ کر 4012 روپے ہو گئی۔
