گوگل نیوز پر ہمیں فالو کریںسابق بھارتی اوپنر گوتم گمبھیر نے پاکستان ٹیم کے کپتان بابر اعظم پر کڑی تنقید کرتے ہوئے کہا کہ ٹیم ویسا کھیلتی ہے جیسا کپتان کھیلتا ہے۔
بھارتی میڈیا سے گفتگو کے دوران کپتان بابر اعظم پر تنقید کرتے ہوئے سابق بھارتی کرکٹر نے کہا کہ بابر اعظم کو اپنی شخصیت، گیم اور مائنڈ سیٹ تبدیل کرنا ہوگا۔
گوتم گمبھیر نے کہا کہ پاکستان کے اٹیکنگ بیٹرز کی ایک تاریخ رہی ہے، شاہد آفریدی، عمران نذیر، سعید انور اور عامر سہیل ان میں شامل ہیں لیکن پاکستان کے موجودہ تینوں ٹاپ آرڈر بیٹرز ایک ہی اسٹائل میں بیٹنگ کرتے ہیں۔
انہوں نے مزید کہا کہ کپتان کو ذمہ داری لینا ہوگی جو نمبر 3 پر بیٹنگ کرتے ہیں، اعدادو شمار کو دیکھنے کی ضرورت نہیں ہے، آپ پاکستان کے سب سے زیادہ رنز بنانے والے بیٹر بن سکتے ہیں۔
پاکستانی کرکٹرز کا فلسطینیوں کیساتھ اظہار یکجہتی، سوشل میڈیا پر پیغام جاری کردیے
گوتم گمبھیر نے بابر کیلئے پاکستان اور بھارت کے دیگر سابق کھلاڑیوں کی مثال دیتے ہوئے کہا کہ وسیم اکرم نے ورلڈ کپ 1992 کے فائنل میں3 وکٹیں حاصل کیں، 5 وکٹیں نہیں لیں لیکن آج بھی ہر کوئی انہیں یاد کرتا ہے، وسیم اکرم کو اس لیے یاد کیا جاتا ہے کہ انہوں نے ورلڈ کپ جیتا، 2011 کے ورلڈ کپ فائنل میں مہیلا جے وردھنے کی سنچری کو کوئی یاد نہیں کرتا، ہر کسی کو یہ یاد ہے کہ بھارت نے میچ جیتا تھا ،ٹیم ویسا کھیلتی ہے جیسا کپتان کھیلتا ہے۔
ان کا مزید کہنا تھا کہ پاک بھارت میچ میں روہت اور بابر دونوں نے نصف سنچریاں اسکور کیں، کوئی سنچری نہ بنا سکا، ایک نے 50 اور ایک نے 80 رنز بنائے لیکن اپروچ کا فرق تھا، اگر کپتان دفاعی ہو گا تو پھر ٹیم بھی دفاعی ہوگی، آپ دیگر 10 کھلاڑیوں کو کمرے میں نہیں بتاسکتے کہ پازیٹو کھیلو اور میں ایک اینڈ پر کھیلتا رہوں گا۔
