پاکستانی شوبز انڈسٹری کے 5 فنکاروں نے انٹرٹینمنٹ کے شعبے میں ’30 انڈر 30 جنوبی ایشائی‘ فہرست میں جگہ بنالی۔
غیر ملکی میڈیا رپورٹس کے مطابق برطانوی ہفت روزہ اخبار ’ایسٹرن آئی‘ ہر سال انٹرٹینمنٹ انڈسٹری سے وابستہ 30 برس سے کم عمر نوجوان فنکاروں کو ان کے بہترین کام پر سراہتے ہوئے اس اعزاز سے نوازتا ہے۔
سجل علی
اس فہرست میں پاکستان کی معروف اداکارہ سجل علی بھی شامل ہیں جنہیں “دی گرل ود اے گولڈن ٹچ” کا نام دیا گیا ہے، سجل علی اپنی فلم ’واٹس لوو گوٹ ٹو ڈو وِد اِٹ‘ سے بین الاقوامی سطح پر ڈیبیو کررہی ہیں۔
بلال عباس
اس فہرست میں دلکش اداکار بلال عباس بھی شامل ہیں جن کے بارے میں لکھا گیا ہے کہ اُن کی توجہ آج کل ڈراموں کی طرف مرکوز ہے لیکن مستقبل میں وہ فلموں اور ویب سیریز سے متاثر ہوسکتے ہیں۔اداکار کو آخری بار ہم ٹی وی کے ڈرامے دوبارہ میں دیکھا گیا تھا اور وہ اس وقت ڈرامہ سیریل ‘کچھ اَن کہی’ میں مرکزی کردار ادا کررہے ہیں۔
کنزہ ہاشمی
کنزہ ہاشمی نے ہم ٹی وی کے ڈرامے عشق تماشا میں منفی کردار ادا کیا تھا جس کیلئے انھیں منفی کردار کی کیٹیگری میں بہترین اداکارہ کے ایوارڈ کیلئے نامزد کیا گیا تھا۔
عاصم اظہر
پاکستان کے نوجوان گلوکار عاصم اظہر بھی اس فہرست میں شامل ہیں ،انہوں نے کوک اسٹوڈیو سیزن 9 سےشہرت حاصل کی، اُن کے گانا حبیبی اور کیوں دیا درد کو عالمی سطح پر مقبولیت حاصل ہے۔
اذان سمیع خان
گزشتہ سال 29 سال کے اذان سمیع خان نے اداکاری میں قدم رکھا ہے ، وہ ایک بہترین گلوکار ہیں اور گانوں کی کمپوزیشن بھی کرتے ہیں ۔اذان سمیع خان آخری بار ڈرامہ سیریل عشق لاء میں یمنیٰ زیدی کے ساتھ نظر آئے تھے۔