عمران خان اور جاوید آفریدی کا گٹھ جوڑ، خزانے کو بھاری نقصان، تحقیقات شروع

اسلام آباد: پبلک اکاؤنٹس کمیٹی نے فیڈرل بورڈ آف ریونیو کو ایم جی کار امپورٹ اسکینڈل کی تحقیقات دوبارہ شروع کرنے کی ہدایت کردی ہے۔

مقامی میڈیا کے مطابق کار ساز کمپنی نے مبینہ طور پر اپنے مکمل طور پر بلٹ اپ یونٹس (CBUs) کی درآمدی قیمت کو کم کرکے ٹیکس فراڈ کا ارتکاب کیا تھا۔ اس مسئلے کی پہلی بار 2021 میں چھان بین کی گئی جب آٹوموٹیو مارک پاکستانی آٹوموبائل مارکیٹ میں نیا داخل ہوا تھا۔

اس وقت کی رپورٹس کے مطابق آٹوموٹیو مارک اپنے سب سے اوپر فروخت کنندگان میں سے ایک یعنی ایم جی ایچ ایس کو انڈر انوائس کر رہا تھا۔ کمپنی نے گاڑی کی کسٹم ویلیو کو نمایاں طور پر کم کر دیا تھا، جس کی قیمت پاکستان میں 11632 ڈالر تھی۔اس وقت یہ بتایا جا رہا تھا کہ فیڈرل بورڈ آف ریونیو “دستاویزات” حاصل کرنے میں کامیاب ہو گیا تھا۔

مزید پڑھیں:فرح خان ا ور ان کے خاوند کے نام پر 19گاڑیاں رجسٹرڈ ہیں، محکمہ ایکسائز

جاوید آفریدی کی ایم جی ایچ ایس چھ ماہ قبل فراڈ کی وجہ سے انڈر انوائسنگ کے ذریعے 57 لاکھ روپے تک تھی جبکہ آج اس گاڑی کی قیمت 90 لاکھ روپے ہے۔ پلانٹ کی تنصیب سے قبل کمپنی کو گاڑی کے 1000 یونٹس درآمد کرنے کی اجازت تھی لیکن انہوں  نے 10000 یونٹس درآمد کیے۔ ہائیر کمپنی کی صحیح تحقیقات سے کمپنی میں اس سے بھی بڑے گھپلے سامنے آنے کا امکان ہے۔

اس گڑبڑ کا پردہ فاش اس وقت ہوا جب ایم جی کار مارکیٹ میں آئی، KIA/Hundai نے شکایت کی کہ یہ کمپنی کیسے ہم سے کم قیمت ادا کر سکتی ہے۔

ذرائع کا کہنا ہے کہ جاوید آفریدی کے سابق وزیراعظم سے خصوصی مراسم تھے اور اس کیس کی تحقیقات میں عمران خان کو مبینہ طور پر کمیشن دینے کا بھی امکان ہے۔