گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ اپوزیشن کی سیاسی جماعتوں کو نابالغ رہنماؤں نے یرغمال بنا لیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ اپوزیشن سیاسی نابالغوں نے یرغمال بنا لی ہے۔ حکومت کی طرف سے پارلیمان میں رابطہ کار کو کہا جارہا ہے کہ حکومت منتیں کر رہی ہے۔
پیغام میں وزیرِ سائنس و ٹیکنالوجی فواد چوہدری نے کہا کہ ایک وزیرِ اعلیٰ کہہ رہا ہے کہ میں وفاق کو جوابدہ ہی نہیں ہوں۔ الیکشن اصلاحات کا کہو تو اس پر تیار نہیں۔ ایک دن عدم اعتماد، دوسرے دن لانگ مارچ اور تیسرے دن استعفے دینے کی باتیں کی جارہی ہیں۔
اپوزیشن سیاسی نابالغوں نے یرغمال بنا لی ہے، حکومت کی طرف سے پارلیمان میں رابطہ کار کو کہا جا رہا ہے کہ حکومت منتیں کر رہی ہے، ایک وزیر اعلیٰ کہ رہا ہے میں وفاق کو جوابدہ ہی نہیں ہوں، الیکشن اصلاحات کا کہو تو اس پر تیار نہیں ایک دن عدم اعتماد دوسرے دن لانگ مارچ تیسرے دن استعفیٰ،
— Ch Fawad Hussain (@fawadchaudhry) January 26, 2021
یاد رہے کہ اِس سے قبل وفاقی وزیرِ سائنس و ٹیکنالوجی فواد چوہدری نے کہا کہ اپوزیشن کے پاس وزیرِ اعظم عمران خان کے خلاف کوئی حکمتِ عملی اور پلان نہیں ہے۔
ٹوئٹر پر 2 روز قبل اپنے پیغام میں وزیرِ سائنس و ٹیکنالوجی فواد چوہدری نے کہا کہ اپوزیشن کے پاس نہ کوئی حکمتِ عملی ہے نہ پلان، انہوں نے استعفوں سے بات شروع کی اور پھر جلسے شروع کردئیے۔ اب جلسے بھی ختم ہو گئے تو تحریکِ عدم اعتماد پر گفتگو کا آغاز کردیا۔
مزید پڑھیں: اپوزیشن کے پاس کوئی حکمتِ عملی اور پلان نہیں۔فواد چوہدری
