گوگل نیوز پر ہمیں فالو کریںراولپنڈی: انگلینڈ کی ٹیسٹ ٹیم کے کپتان بین اسٹوکس نے پاکستان میں سیلاب متاثرین کی مدد کے لیے بڑا اعلان کردیا۔
سماجی رابطے کی ویب سائٹ ٹوئٹر پر ایک پیغام میں انگلش کپتان بین اسٹوکس نے سیلاب متاثرین کی مدد کے لیے ٹیسٹ میچ کی فیس عطیہ کرنے کا اعلان کیا ہے۔
I’m donating my match fees from this Test series to the Pakistan Flood appeal ❤️🇵🇰 pic.twitter.com/BgvY0VQ2GG
— Ben Stokes (@benstokes38) November 28, 2022
بین اسٹوکس نے کہا کہ اس سال کے شروع میں پاکستان میں تباہ کن سیلاب آیا جسکے اثرات دیکھ کر بہت دکھ ہوا، اس تباہ کن سیلاب کے ملک اور عوام پر خاصے اثرات مرتب ہوئے ہیں۔
اُن کا کہنا تھا کہ کھیل نے مجھے بہت کچھ دیا ہے اور مجھے ایسا لگتا ہے کہ کرکٹ سے بالاتر ہوکر مجھے کچھ کرنا چاہیئے اسی لیے میں اپنی ٹیسٹ میچ کی فیس پاکستان کے سیلاب متاثرین کو دینے کا اعلان کرتا ہوں۔
جرمنی اور اسپین کا میچ دلچسپ مقابلے کے بعد ایک ایک گول سے برابر
بین اسٹوکس کا مزید کہنا تھا کہ یہ عطیہ سیلاب سے سب سے زیادہ متاثر ہونے والے علاقوں کی تعمیر نو میں مدد کرے گا۔
انہوں نے کہا کہ 17 سال بعد پاکستان میں ٹیسٹ اسکواڈ کا حصہ ہونے پر بہت پرجوش ہوں، تاریخی سیریز کے سلسلے میں پہلی مرتبہ پاکستان آکر بہت اچھا لگ رہا ہے۔
