گوگل نیوز پر ہمیں فالو کریںہیری پوٹر سیریز کی مشہورومعروف برطانوی اداکارہ ایما واٹسن نے مظلوم فلسطینیوں سے کی جدوجہد کو تقویت دینے کیلئے ایک ایسی پوسٹ کو شیئر کیا جو تحریکِ آزادئ فلسطین کی تحریک سے یکجہتی کا اظہار کرتی ہے جس پر اسرائیل خاموش نہ رہ سکا۔
مئی کے دوران بیڈ ایکٹوسٹ کلیکٹو اکاؤنٹ سے شیئر کی گئی پوسٹ میں غزہ کی پٹی پر اسرائیلی جارحیت کے خلاف عالمی برادری سے فلسطین کے معاملے پر انصاف طلب کیا گیا تھا۔ واضح رہے کہ مذکورہ جارحیت کے دوران 250 سے زائد فلسطینی شہید ہوئے۔
سجل علی اور احد رضا میر کے مابین اختلافات کی حقیقت
ڈرامہ سیریل ہم کہاں کے سچے تھے کی عکسبندی کے دوران لی گئی تصاویر
اداکارہ ایما واٹسن نے سارہ احمد کا ایک قول بھی شیئر کیا جس میں کہا گیا ہے کہ یکجہتی کا مطلب یہ نہیں کہ ہماری جدوجہد یکساں یا ہمارا درد برابر یا پھر ہماری امید ایک جیسے مستقبل کیلئے ہے بلکہ یکجہتی ایک عزم اور کام کو ظاہر کرتی ہے۔
View this post on Instagram
ایما واٹسن کے شیئر کردہ قول کے مطابق سارہ احمد نے کہا کہ اس سے مراد یہ پہچان بھی ہے کہ چاہے ہم ایک جیسی زندگیاں نہ گزارتے ہوں یا ہمارے جسم اور محسوسات الگ ہوں، ہم ایک زمین پر رہتے ہیں اور یہی یکجہتی کا مطلب ہے۔
دوسری جانب اقوامِ متحدہ میں اسرائیل کے مستقل مندوب گیلاد ایردن خاموش نہ رہ سکے۔ اسرائیلی سفارت کار نے کہا کہ آپ کا افسانوی کام شاید ہیری پوٹر سیریز کیلئے اہم ہو لیکن حقیقت سے اس کا کوئی تعلق نہیں۔ اگر ہوتا تو جادو حماس پر بھی چل جاتا۔
Fiction may work in Harry Potter but it does not work in reality. If it did, the magic used in the wizarding world could eliminate the evils of Hamas (which oppresses women & seeks the annihilation of Israel) and the PA (which supports terror). I would be in favor of that! pic.twitter.com/u1TrP3sqSS
— Ambassador Gilad Erdan גלעד ארדן (@giladerdan1) January 3, 2022
اسرائیلی سفارت کار نے جدوجہدِ آزادئ فلسطین میں مصروف تنظیم پر الزام لگایا کہ حماس والے خواتین کو دباتے ہیں۔ تاہم فلسطین سے تعلق رکھنے والے سوشل میڈیا صارفین نے اداکارہ ایما واٹسن کے اظہارِ یکجہتی پر خوشی کا اظہار کیا۔
