گوگل نیوز پر ہمیں فالو کریںکراچی :اسٹیل ملز سے مزید350افسران و ملازمین کو فارغ کردیا گیا ہے جبکہ دوسری جانب اسٹیک ہولڈرز گروپ نے برطرف کئے گئے ملازمین کو بحال اور اسٹیل ملز کو چلانے کی پیشکش کردی ہے ۔
اسٹیل ملز انتظامیہ کی جانب سے مزید100ایگزیکٹیو اور 250ملازمین کو برطرفی کے پروانے تھما دیئے گئے، جس کے بعد اب تک ادارے سے جبری برطرف کئے گئے ملازمین کی تعداد 5400سے زائد ہوگئی ہے، اس سے قبل پہلے مرحلے میں اسٹیل ملز سے 4544اور دوسرے مرحلے میں509 ملازمین کو فارغ کیا گیا تھا جبکہ اب مزید350ملازمین کو برطرف کردیا گیا ہے ۔
وفاقی کابینہ نے جون2020میں اسٹیل ملز سے 9350ملازمین کو فارغ کرنے کی منظوری دی تھی۔جبری برطرف کئے گئے ملازمین کو جولائی کی تنخواہ ادا کی جائے گی،ملازمین کی جبری برطرفیوں کے باوجود اب تک اسٹیل ملز انتظامیہ کی جانب سے ادارے کی بحالی کے سلسلے میں کسی قسم کا پلان ترتیب نہیں دیا جاسکا ہے اور نہ ہی جبری برطرف کئے گئے ملازمین کے واجبات کی ادائیگی کی جاسکی ہے۔
مزید پڑھیں:اسٹیل مل ملازمین کی برطرفی، ہزاروں چولہے بجھ گئے، کیا نجکاری ہی آخری حل ہے ؟
