بھارتی وزیر کترینہ کیف کے گالوں جیسی سڑکیں بنانے کے خواہشمند

نئی دہلی:بھارتی ریاست راجھستان کے منسٹر اداکارہ کترینہ کیف کے گالوں جیسی سڑکیں بنانے کے خواہش مند نکلے۔

سوشل میڈیا پر وائرل ہوتی ویڈیو کے مطابق راجھستان کے نو منتخب منسٹر راجندرا سنگھ گودھا کی جانب سے خطاب کے دوران ظاہر کی گئی خواہش خبروں کی زینت بن گئی ہے۔

بھارتی منسٹر کے نا مناسب جملوں پر متعدد حلقوں کی جانب سے اْن پر تنقید کی جا رہی ہے۔وائرل ہوتی ویڈیو میں دیکھا جا سکتا ہے کہ راجندرا سنگھ گودھا عوام سے خطاب کر رہے ہیں۔

مزید پڑھیں: کترینہ کیف نے شادی سے قبل مداحوں کو فلم فون بھوت کی ریلیز کی خوشخبری سنادی

اس دوران تعمیراتی کام سے متعلق بات کرتے ہوئے اْنہوں نے کہا کہ ’کترینہ کیف کی گالوں جیسی سڑکیں بننی چاہئیں،‘ جس پر اْن کے سامنے بیٹھے عوام بھی خوشی سے تالیاں بجانا شروع کر دیتے ہیں۔