کراچی :چیئرمین بلدیہ غربی اظہار الدین احمد خان نے کہا ہے کہ عید الفطر کے موقع پر عوام کو بلدیاتی سہولیات اور اینٹی کورونا اسپرے کی بلا تعطل فراہمی کے عمل میں مصروف افسران و عملہ مبارکباد کے مستحق ہیں۔
ان خیالات کا اظہار انہوں نے ڈسٹرکٹ وائس چیئرمین عزیزاللہ آفریدی کے ہمراہ اراکین سندھ اسمبلی عدیل شہزاد ، صداقت حسین اور اراکین ڈسٹرکٹ کونسل سے ملاقات کے موقع پر کیا ۔
چیئرمین نے آنے والے مہمانوں کو عیدالفطر کی مبارکباد پیش کرتے ہوئے کہا کہ رواں سال عیدالفطر کا تہوار کورونا وائرس اور جہاز کے المناک حادثہ کی وجہ سے انتہائی سادگی سے منائی گئی ۔
ان کا کہنا تھا کہ یقیناً یہ مشکل وقت ہے جس کا ہم سب نے عزم و ہمت سے مقابلہ کرنا ہے اور عوام کی فلاح و بہبود کیلئے اپنی ذمہ داریوں کو نبھانا ہے ۔
اراکین سندھ اسمبلی اور اراکین ڈسٹرکٹ کونسل نے بلدیہ غربی میں عوام کو بہترین بلدیاتی سہولیات کی فراہمی اور خصوصا عوام کو کورونا وائرس سے محفوظ رکھنے کیلئے کیئے جانے والے اقدامات پرچیئرمین بلدیہ غربی کو خراج تحسین پیش کیا۔
مزید پڑھیں:انیس قائم خانی کا ٹڈی دل سے فصلوں اور پھلوں کے باغات کی تباہی پر تشویش کااظہار