گوگل نیوز پر ہمیں فالو کریںبھارتی فلموں میں پاکستانی فلموں کی کہانی اور گانوں کو چوری کرکے نئے انداز میں پیش کرنا کوئی نئی بات نہیں، اس سے قبل بھی کئی بار نقل کی جاچکی ہے۔
حال ہی میں آیوشمان کھرانہ کی فلم این ایکشن ہیرو میں مشہور پاکستانی گلوکارہ نازیہ حسن کا گانا آپ جیسا کوئی شامل کیا گیا جو کہ انہوں نے زینت امان کی فلم قربان (1980) کیلئے گنگنایا تھا۔
گانے کے ریمکس ورژن کو بھارتی فلم این ایکشن ہیرو میں شامل کیا گیا ہے، جس میں آیوشمان کھرانہ اور ملائکہ اروڑا نے رقص کیا، گانے کو ٹوئٹر صارفین کی جانب سے ناپسند کیا جارہا ہے اور اکثریت کی جانب سے اس پر تنقید بھی کی جارہی ہے۔
When the OG Diva met #AnActionHero 🤌🏻✨#AapJaisaKoi song out now!#AnirudhIyer @aanandlrai #BhushanKumar #MalaikaArora #KrishanKumar @Neerajyadav911 #NinadKhanolkar #Kanupriyaaiyer #AltamashFaridi #Biddu #Indeevar #ShivChanana @CastingChhabrahttps://t.co/92jZyJ2bEG pic.twitter.com/8f9K1mSaZk
— Ayushmann Khurrana (@ayushmannk) November 26, 2022
ٹوئٹر پر ایک صارف نے تبصرہ کیا کہ گانے کو صرف نازیہ حسن کی وجہ سے ویوز ملیں گے جبکہ ایک صارف نے گانے کی موسیقی خراب کرنے پر میوزک پروڈیوسر بھوشن کمار کیخلاف قانونی کارروائی کرنے کا مطالبہ کیا۔
