گوگل نیوز پر ہمیں فالو کریںکراچی:پاکستان پیپلز پارٹی کے چیئرمین بلاول بھٹو زرداری نے کہاہے کہ ملک میں بڑھتی مہنگائی عمران خان کی عوام دشمنی کی انتہا ہے،مافیاز کی سرپرست عمران خان کی حکومت مہنگائی کرکے عوام کو دونوں ہاتھوں سے لوٹ رہی ہے، کم آمدنی والے گھرانے کیلئے زندگی گزارنا ناقابل برداشت ہوتا جارہا ہے،عمران خان کے سرمایہ دار دوست مہنگائی کرکے پیسہ بنارہے ہیں۔
میڈیا سیل بلاول ہاؤس سے جاری بیان میں چیئرمین پیپلزپارٹی بلاول بھٹو زرداری نے کہا کہ کپڑوں کی سلائی میں 4.5فیصد تک اضافہ ہوگیا ہے، عام آدمی عید کیلئے نئے کپڑے بنواتے ہوئے بھی اپنی جیب کو دیکھ رہا ہے، گھروں کے کرایوں کی مد میں 9.3 فیصد تک کے اضافہ ہوگیا ہے جس کا مطلب عام آدمی کو خدانخواستہ سڑک پر لانے کے مترادف ہے۔
مزید پڑھیں:کورونا کی صورتحال خراب، وزیراعلیٰ سندھ نے سخت لاک ڈاؤن کی سفارش کردی
ایک سال میں بجلی کے بلوں کی قیمتوں میں 29 فیصد تک کا اضافہ ہوا، عمران خان کی عوام دشمنی کی انتہا ہے، عام آدمی آخر کہاں جائے؟۔بلاول بھٹو نے کہا کہ ملک میں صرف کھانے پینے کی اشیا 15.9 فیصد تک مہنگی ہوچکی ہیں، ٹماٹر کی قیمتوں میں 67 فیصد تک اضافہ ثبوت ہے کہ عمران خان مہنگی مافیا کے سرغنہ ہیں۔
انہوں نے کہا کہ پی ٹی آئی کی حکومت میں عوام پس رہے ہیں، عمران خان کے سرمایہ دار دوست مہنگائی کرکے پیسہ بنارہے ہیں۔بلاول بھٹو نے کہا کہ سندھ حکومت نے بدترین مہنگائی کے دنوں میں بے نظیر مزدور کارڈ کا اجرا کیا ، سندھ کے چھ لاکھ رجسٹرڈ صنعتی مزدوروں کو پہلے مرحلے میں بینظیر مزدور کارڈ کا اجرا ہوگا، مہنگائی کے دنوں میں لاکھوں خاندانوں کی زندگی آسان بنائیں گے۔
پاکستان پیپلزپارٹی کے چیئرمین بلاول بھٹو زرداری کا ملک میں بڑھتی مہنگائی کے حوالے سے بیان
مافیاز کی سرپرست عمران خان کی حکومت مہنگائی کرکے عوام کو دونوں ہاتھوں سے لوٹ رہی ہے، چیئرمین بلاول بھٹو زرداری@BBhuttoZardari
— PPP (@MediaCellPPP) May 5, 2021
