گوگل نیوز پر ہمیں فالو کریںبنگلہ دیش کے مشہور کرکٹر اور سابق کپتان تمیم اقبال نے ایک بار پھر بین الاقوامی کرکٹ سے ریٹائرمنٹ کا اعلان کردیا ہے۔
تمیم اقبال نے جمعہ کو سوشل میڈیا پر ایک تفصیلی بیان میں اپنے فیصلے کی وجوہات بیان کیں جن کی بنا پر انہوں نے اپنی شاندار کرکٹ کیریئر کا اختتام کرنے کا فیصلہ کیا۔
جولائی 2023 میں انہوں نے بین الاقوامی کرکٹ سے ریٹائرمنٹ کا اعلان کیا تھا لیکن 24 گھنٹوں بعد اس فیصلے سے پیچھے ہٹ گئے۔ اس بار انہوں نے واضح کیا کہ وہ کافی عرصے سے بین الاقوامی کرکٹ سے دور ہیں اور یہ فیصلہ انہوں نے بہت سوچ سمجھ کر کیا ہے۔
تمیم اقبال نے کہا کہ وہ نہیں چاہتے کہ ان کا نام کسی بڑے ایونٹ جیسے چیمپئنز ٹرافی کے دوران بحث کا حصہ بنے۔ انہوں نے مزید کہا کہ انہوں نے بنگلہ دیش کرکٹ بورڈ کے مرکزی معاہدے سے خود کو الگ کر لیا ہے کیونکہ ریٹائر ہونے یا کھیلنے کا فیصلہ ہر کھلاڑی کے لیے ذاتی ہوتا ہے۔
جسٹن بیبر کے گانے پر منفرد قوالی کی ویڈیو سوشل میڈیا پر وائرل
اپنے بیان میں تمیم نے کپتان ناظم الحسن اور سلیکشن کمیٹی کا شکریہ ادا کیا جنہوں نے ان کی واپسی کے مواقع کے بارے میں نیک نیتی سے بات کی۔ انہوں نے کہا کہ وہ ان تمام لوگوں کے شکر گزار ہیں جنہوں نے ان کی اہمیت کو سمجھا اور ان کے فیصلے کا احترام کیا۔
تمیم اقبال نے 2007 میں ایک روزہ اور ٹی20 بین الاقوامی کرکٹ میں ڈیبیو کیا اور 2008 میں ٹیسٹ کرکٹ میں قدم رکھا۔
اپنے کیریئر میں انہوں نے شاندار کارکردگی دکھائی اور 70 ٹیسٹ میچز میں 5134 رنز، 243 ایک روزہ بین الاقوامی میچز میں 8357 رنز اور 78 ٹی20 میچز میں 1758 رنز بنائے۔
تمیم اقبال نے اپنے بیان میں کہا کہ انہوں نے بنگلہ دیش کرکٹ بورڈ کو اپنے ریٹائرمنٹ کے فیصلے سے آگاہ کر دیا ہے، ان کا یہ فیصلہ صرف بنگلہ دیشی کرکٹ کے لیے نہیں بلکہ مداحوں کے لیے بھی ایک جذباتی خبر ہے۔
