جمعیت علمائے اسلام (ف) کا حکومت مخالف ’آزادی مارچ‘ مولانا فضل الرحمٰن کی سربراہی میں ایکسپریس وے کے ذریعے اپنی منزل اسلام آباد پہنچ گیا۔
اسلام آبادمیں مارچ کے استقبال کے لیے مسلم لیگ (ن) کی جانب سے مختلف مقامات پر استقبالیہ کیمپ لگائے گئے ہیں جہاں مقامی رہنماؤں اور اپوزیشن کی دیگر جماعتوں کے نمائندے بھی موجود تھے۔
جے یو آئی (ف) کے سربراہ مولانا فضل الرحمٰن اور آزادی مارچ کے شرکاء نے 27 اکتوبر کو ملک کے مختلف حصوں سے اسلام آباد کی جانب سفر شروع کیا تھا اور انہیں 31 اکتوبر یعنی آج اسلام آباد میں داخل ہونا تھا۔
صدر پاکستان مسلم لیگ ن شہباز شریف اسلام آباد میں آزادی مارچ میں شریک ہوں گے،شہباز شریف 31 اکتوبر کی دوپہر لاہور سے اسلام آباد پہنچیں گے اور پشاور موڑ پر ہونے والے آزادی مارچ کے جلسے سے خطاب بھی کریں گے۔
یہ بھی پڑھیں: آزادی مارچ:جلسہ ملتوی کرنےکے حوالے سے اپوزیشن کے متضاد بیانات