گوگل نیوز پر ہمیں فالو کریںاسلام آباد: وفاقی وزیرِ منصوبہ بندی و ترقیات اسد عمر نے سندھ حکومت سے قبضہ مافیا کے خلاف کارروائی کا مطالبہ کیا ہے جو قدیم گوٹھوں پر قابض ہورہا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ ہمیں تشویشناک خبریں مل رہی ہیں کہ سندھ کے قدیمی گوٹھوں میں دہایئوں سے رہنے والے لوگوں کی زمین پر قبضہ کیا جارہا ہے۔
وزیرِ منصوبہ بندی اسد عمر نے کہا کہ الزام ہے کہ قبضے سندھ حکومت اور بحریہ ٹاؤن باہمی اشتراک سے کر رہے ہیں۔ سندھ حکومت کو فوری وضاحت کرنی چاہئے۔ اگر حقیقت ہے تو تمام ملوث لوگوں کے خلاف کارروائی کی جائے۔
تشویشناک خبریں آ رہی ہیں کے سندھ کے قدیمی گوٹھوں میں دہائیوں سے رہنے والے لوگوں کی زمین پر قبضہ کیا جا رہا ہے. الزام ہے کے یہ کام سندھ حکومت اور بحریہ ٹاؤن باہمی اشتراک سے کر رہے ہیں. سندھ حکومت کو فوری وضاحت کرنی چاہئے. اگر حقیقت ہے تو تمام ملوث لوگوں کے خلاف کارروائی کی جائے
— Asad Umar (@Asad_Umar) May 9, 2021
یاد رہے کہ اِس سے قبل وزیرِ منصوبہ بندی اسد عمر نے کہا کہ رواں برس اگست سے گرین لائن میٹرو بس سڑکوں پر دوڑنے لگے گی جبکہ اسی برس سرکلر ریلوے کی بحالی بھی مکمل ہوجائے گی۔
گزشتہ ماہ وزیرِ منصوبہ بندی و ترقیات اسد عمر نے کہا کہ رواں سال کراچی میں گرین لائن بس سروس اگست سے شروع ہوجائے گی۔ محمود آباد، گجر نالہ اور اورنگی نالہ کی صفائی کا کام جولائی میں مکمل ہوگا۔
مزید پڑھیں: کراچی میں گرین لائن میٹرو بس سروس اگست سے شروع ہوگی۔اسد عمر
