اسکردو: وفاقی وزیرِ منصوبہ بندی و ترقی اسد عمر نے کہا ہے کہ گلگت بلتستان کیلئے چند ہفتوں میں تاریخی ترقیاتی پیکیج مرتب کیا جائے گا۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر اسد عمر نے کہا کہ وزیرِ اعلیٰ گلگت بلتستان خالد خورشید کے ساتھ ملاقات ہوئی، ہم ان سے مل کر وفاق اور گلگت بلتستان کی مشترکہ ٹیم بنا چکے ہیں۔
پیغام میں وزیرِ منصوبہ بندی و ترقی اسد عمر نے کہا کہ آئندہ چند ہفتوں میں مشترکہ ٹیم کے ذریعے ان شاء اللہ گلگت بلتستان کیلئے ایک تاریخی ترقیاتی پیکیج مرتب کریں گے۔ دو نہیں ایک پاکستان کے تحت وزیرِاعظم کی ترجیح کمزور طبقے کے پاکستانی اور پسماندہ علاقے ہیں۔
وزیر اعلیٰ گلگت بلتستان خالد خورشید کے ساتھ مل کر وفاق اور گلگت بلتستان کی مشترکہ ٹیم بنائی ہے جو چند ہفتوں میں انشاءاللہ گلگت بلتستان کے لئے ایک تاریخی ترقیاتی پیکج مرتب کرے گی. وزیراعظم کی ترجیح وہ پاکستانی ہیں جو کمزور طبقے سے ہیں اور پسماندہ علاقے ہیں. دو نہیں ایک پاکستان pic.twitter.com/13KkrWncys
— Asad Umar (@Asad_Umar) January 14, 2021
یاد رہے کہ اِس سے قبل وزیراعظم عمران خان نے کہا کہ گلگت بلتستان کو جس راستے پر ڈالیں گے عوام کی زندگی بدل جائے گی، گلگت بلتستان کو صوبائی حیثیت دینے کیلئے فوری کام کریں گے۔
وزیرِ اعظم عمران خان نے گزشتہ برس 2 دسمبر کو اپنے بیان میں کہا کہ گلگت بلتستان کے لوگوں کو وسائل دینے کے خواہاں ہیں، گلگت بلتستان کو صوبائی حیثیت دینے کیلئے کمیٹی بنائیں گے۔
مزید پڑھیں: گلگت بلتستان کے لوگوں کو وسائل دینے کے خواہاں ہیں۔وزیرِ اعظم