گوگل نیوز پر ہمیں فالو کریںبنگلہ دیش کے ستکھیرہ-4 حلقے سے منتخب ہونے والی جماعت اسلامی کے رکن پارلیمنٹ غازی نذرالاسلام سے منسوب ایک مبینہ نجی ویڈیو سوشل میڈیا پر گردش کررہی ہے جس سے سیاسی اور عوامی حلقوں میں نئی بحث چھیڑ دی ہے۔ ویڈیو اور اس سے متعلق دعوؤں پر مختلف آراء سامنے آ رہی ہیں تاہم ان کی آزاد ذرائع سے تصدیق نہیں ہو سکی۔
سوشل میڈیا پر گردش کرنے والے دعوے میں کہا جا رہا ہے کہ غازی نذرالاسلام شیام نگر اپازیلا کے ایک ہوٹل میں ایک نوجوان لڑکی کے ساتھ موجود تھے۔اس پوسٹ کے ساتھ مختلف الزامات بھی شامل کیے گئے ہیں جن کی حقیقت کی آزادانہ طور پر تصدیق نہیں ہو پائی۔
Satkhira- 4 seat Shyamnagar Upazila Jamaat Islam MP Gazi Nazrul Islam room date with a skinny girl in a hotel.
Selling tickets to paradise.#BDProtect #BDPolitics #BD #BNPMediaCell #BNPNEWS #BNP #jamat #JamatShibir pic.twitter.com/bxTKmlI5Hl— SA (@Shariaalam1214) July 20, 2026
زیرِ گردش ویڈیو میں مذہبی نوعیت کے الزامات بھی عائد کیے گئے ہیں جن میں جنت کے ٹکٹ فروخت کرنے جیسے الفاظ شامل ہیں تاہم یہ تمام باتیں صرف سوشل میڈیا دعوؤں تک محدود ہیں اور ان کی تصدیق کے لیے کوئی مستند ثبوت سامنے نہیں آیا۔
دوسری جانب جماعت اسلامی کی جانب سے ابتدائی طور پر موقف اختیار کیا گیا کہ سامنے آنے والی ویڈیو مصنوعی ذہانت (اے آئی) کے ذریعے تیار کی گئی ہے بعد ازاں پارٹی نے وضاحت کی کہ ویڈیو میں دکھائی دینے والی خاتون غازی نذرالاسلام کی دوسری اہلیہ ہیں۔
جماعت اسلامی کے سیکریٹری مولانا عزیز الرحمٰن کے مطابق رکن پارلیمنٹ کی دوسری شادی ان کی پہلی اہلیہ کی رضامندی سے ہوئی تھی۔ انہوں نے کہا کہ پارٹی اس بات کا جائزہ لے رہی ہے کہ ویڈیو کس طرح لیک ہوئی اور اسے عوام تک پہنچانے کے پیچھے کیا عوامل کارفرما ہیں۔
غازی نذرالاسلام سے اس معاملے پر ردعمل لینے کی کوشش کی گئی تاہم ان سے رابطہ ممکن نہیں ہو سکا۔ ادھر آزاد فیکٹ چیکنگ اداروں کی رپورٹس میں کہا گیا ہے کہ ویڈیو میں اے آئی کے ذریعے واضح تبدیلی کے شواہد نہیں ملے تاہم ویڈیو کی اصل حقیقت، ماخذ اور پس منظر کی مکمل تصدیق اب تک نہیں ہو سکی۔
