کراچی: پاکستانی ڈرامہ انڈسٹری کی معروف اداکارہ ایمن خان کا برائیڈل شوٹ سوشل میڈیا پر وائرل ہو گیا ہے۔
انسٹاگرام اسٹوری پر اداکارہ ایمن خان نے اپنی تصاویر اور ویڈیو پوسٹ کی ہیں جسے ان کے چاہنے والوں کی جانب سے بہت پسند کیا جا رہا ہے۔
اداکارہ کی جانب سے پوسٹ کی جانے والی تصویر اور ویڈیو میں دیکھا جا سکتا ہے کہ اداکارہ سرخ رنگ کا خوبصورت عروسی جوڑا پہنے ہوئے ہیں۔
برائیڈل لک کو مزید خوبصورت بنانے کے لئے ایمن خان نے دلکش زیورات بھی پہن رکھے ہیں جو ان کی خوبصورتی کو چار چاند لگا رہے ہیں۔
اداکارہ کی ان تصاویر پر شوبز انڈسٹری کی معروف اداکاراؤں کی جانب سے ملے جلے رد عمل کا اظہار کیا جارہا ہے، اداکارہ کی خوبصورتی کی بہت تعریف کی جا رہی ہے۔
ایمن خان کی ان تصاویر پر ان کے کچھ چاہنے والوں نے تبصرہ کرتے ہوئے کہا ہے کہ ایمن خان اس اسٹائل اور برائیڈل لُک میں اپنی شادی والے دن سے بھی زیادہ حسین لگ رہی ہیں۔
مزید پڑھیں: عالیہ بھٹ کی سالگرہ،اداکارہ کی آنے والی 5 فلمیں کونسی ہیں؟