معروف گلوکار ابرار الحق بھی کوروناوائرس کا شکار ہوگئے

لاہور: پاکستان تحریک انصاف کے رہنما ابرار الحق بھی کورونا وباء کا کی زد میں آگئے، انہوں نے اپنے آپ کو گھر میں قرنطینہ کرلیا ہے۔ انہوں نے بتایا ہے کہ میرا ٹیسٹ مثبت آیا ہے، جس کے بعد میں نے خود کو گھر میں قرنطینہ کر لیا ہے۔ ابرار الحق نے عوام سے کورونا سے متاثرہ افراد کے لیے دعا کی اپیل کی ہے۔

My corona test came positive, i am home quarantined, however ,inshahallah, i will keep performing my duties through Skype as Red Crescent and Sahara worker. Please pray for me and all those fighting it.

— Abrar Ul Haq (@AbrarUlHaqPK) May 31, 2020

واضح رہے کہ اس سے قبل اسپیکر قومی اسمبلی اسد قیصر، گورنر سندھ عمران اسماعیل، اے این پی کے رہنما غلام احمد بلور سمیت متعدد سماجی اور سیاسی شخصیات کورونا وائرس کا شکار ہو چکی ہیں۔جبکہ گورنر سندھ عمران اسماعیل اس وبائی بیماری سے صحت یاب ہوچکے ہیں۔

معروف گلوکار اور پی ٹی آئی کے رہنما ابرار الحق نے اپنی ٹویٹ میں کہا کہ انشاء اللہ میں اسکائپ کے ذریعے ریڈ کریسنٹ اور سہارا ورکر کی حیثیت سے اپنے فرائض سرانجام دوں گا۔ برائے مہربانی میرے اور ان سب سے لڑنے والوں کے لئے دعا کریں کہ سب جلد سے جلد صحت یاد ہوں۔

اس سے پہلے انہوں نے اپنی ٹویٹ میں کہا تھا کہ انھیں گزشتہ رات سے بخار اور خشک کھانسی کی شکایت ہے لیکن امید کرتا ہوں کہ میں کورونا سے متاثر نہیں ہوں تاہم گورنر پنجاب چودھری سرور سمیت تمام لوگ جو میرے ساتھ رابطے میں رہے، ان سے درخواست ہے کہ وہ احتیاطی تدابیر اختیار کریں۔