گوگل نیوز پر ہمیں فالو کریںسابق وزیر اعظم عمران خان کی سابقہ اہلیہ ریحام خان نے فرانس میں سابق آرمی چیف جنرل (ر) قمر باجوہ کے ساتھ ایک افغانی کی بد تمیزی اور نازیبا الفاظ پر مشتمل ویڈیو پر اپنا ردعمل دے دیا۔
حال ہی میں سابق آرمی چیف جنرل (ریٹائرڈ) قمر جاوید باجوہ سے فرانس میں ایک شخص کی جانب سے بدتمیزی کی گئی جس کی ویڈیو بڑے پیمانے پر بڑی تعداد میں گردش کررہی ہے۔
Whoever it might be. This is not acceptable. It’s not something to be pleased about or to be proud of. It’s not our Pushtun sensibility to drag women & children into our fights. A true Pushtun would be open to a fair duel. The Afghan war was a western plan & even if Pakistan was… https://t.co/sZBvjV8xyU
— Reham Khan (@RehamKhan1) June 5, 2023
ریحام خان نے سابق آرمی چیف کے ساتھ اس قدر بدتمیزی کی مخالفت کرتے ہوئے سماجی رابطے کی ویب سائٹ ٹوئٹر پر مذمتی بیان جاری کیا اور اس حرکت کو ناقابلِ قبول قرار دے دیا۔
ریحام خان نے اپنے ٹوئٹ میں لکھا کہ یہ ویڈیو جس نے بھی بنائی ہے، یہ قابل قبول نہیں ہے، یہ کوئی ایسی حرکت نہیں ہے کہ جس پر خوش ہوا جائے یا پھر فخر کیا جائے، یہ ہم پشتون قوم کا طریقہ نہیں ہے کہ وہ کسی سے لڑائی میں اسکی خواتین اور بچوں کو بیچ میں لائے، ایک سچا پشتون برابری کی سطح پر لڑنے کا قائل ہوتا ہے۔
انہوں نے مزید لکھا کہ افغانستان کی جنگ مغرب کا منصوبہ تھا اور اگر اس جنگ میں پاکستان کو بطور پیادہ استعمال کیا گیا تب بھی یہ حق کسی کو حاصل نہیں ہے کہ ایک آرمی افسر کی ملک کے لیے خدمات کو فراموش کرتے ہوئے انکی نجی زندگی میں مداخلت کی جائے۔
واضح رہے کہ سابق آرمی چیف کے حوالے سے وائر ل اس ویڈیو کے حوالے سے یہ دعویٰ کیا گیا ہے کہ یہ فرانس کی ہے اور ویڈیوبنانے والا شخص افغانی ہے۔
