گوگل نیوز پر ہمیں فالو کریںاسلام آباد: آزاد کشمیر انتخابی مہم کیلئے وزیرِ اعظم عمران خان مظفر آباد میں جلسے سے خطاب آج کریں گے۔
سماجی رابطے کی ویب سائٹ ٹوئٹر پر اپنے پیغام میں فیصل جاوید خان نے کہا کہ باغ، بھمبر اور میر پور کے کامیاب جلسوں کے بعد آج مظفر آباد کی باری ہے۔
پیغام میں فیصل جاوید خان نے کہا کہ ان شاء اللہ چیئرمین تحریکِ انصاف اور وزیرِ اعظم عمران خان آج سہ پہر کے وقت مظفر آباد، آزاد کشمیر میں جلسے سے خطاب کریں گے۔
فیصل جاوید خان نے کہا کہ ن لیگ اور پیپلز پارٹی کی بوکھلاہٹ سے یہ واضح ہوچکا ہے کہ آزاد کشمیر کے انتخابات میں شکست اپوزیشن کا مقدر بن گئی ہے۔
باغ، بھمبر، میر پور کےکامیاب جلسوں کےبعد آج باری ہے مظفرآباد کی-انشاء اللہ چیئرمین تحریک انصاف وزیراعظم عمران خان آج
سہ پہرمظفرآباد آزاد کشمیر میں جلسےسےخطاب کریںنگے-
ن لیگ، پیپلز پارٹی کی بوکھلاہٹ سے یہ آشکار ہے کہ ان انتخابات میں انکیبشکست آشکارہے#کشمیر_کا_کپتان_عمران_خان— Faisal Javed Khan (@FaisalJavedKhan) July 19, 2021
خیال رہے کہ اِس سے قبل وزیراعظم عمران خان نے کہا کہ نواز شریف اور ان کا خاندان آزاد عدلیہ کا سامنا کرے، انہوں نے ن لیگ کو آڑے ہاتھوں لیتے ہوئے کہا کہ نواز شریف اداکاری کرکے ملک سے فرار ہوئے۔
گزشتہ روز وزیراعظم کا آزاد کشمیر کے علاقے بھمبر میں انتخابی جلسے سے خطاب میں کہنا تھا کہ نواز شریف نے ایسی اداکاری کی کہ ہماری کابینہ کی خواتین نے رونا شروع کردیا لیکن انہیں جیسے ہی لندن کی ہوا لگی، وہ ٹھیک ہو گئے۔ آج نہ صرف شریف خاندان بلکہ ان کے بچے بھی ملک سے فرار ہو گئے ہیں۔
وزیر اعظم عمران خان نے کہا کہ اگر لیڈر ایماندار ہو تو وہ کسی کو بھی پیسے نہیں بنانے دے گا۔ ہم طاقتور کو قانون کے نیچے لانے کی کوشش کر رہے ہیں۔ جس ملک میں کرپٹ حکمران ہوں وہاں ہمیشہ غربت ہوتی ہے۔ کفر کا نظام چل سکتا ہے لیکن ظلم کا نہیں۔
مزید پڑھیں: نواز شریف اور ان کا خاندان آزاد عدلیہ کا سامنا کرے، عمران خان
