گوگل نیوز پر ہمیں فالو کریںپاکستانی فوج کے شعبہ تعلقات عامہ (آئی ایس پی آر) نے معرکہ حق کی شاندار کامیابی پر ایک حقیقت پر مبنی ڈاکومنٹری ریلیز کی ہے، جسے ناظرین کی جانب سے بھرپور پذیرائی حاصل ہو رہی ہے۔
اس ڈاکومنٹری میں معرکہ حق کے تمام واقعات کو تسلسل کے ساتھ پیش کیا گیا ہے، جس سے اس تاریخی کامیابی کی اہمیت کو اجاگر کیا گیا ہے۔
ڈاکومنٹری میں بھارتی شہریوں کی جانب سے پہلگام واقعے کو فالس فلیگ آپریشن قرار دینے اور آپریشن سندور کی ناکامی پر اٹھائے گئے سوالات کو شامل کیا گیا ہے۔
اس میں یہ بھی بتایا گیا ہے کہ بھارت کے پاس شواہد تب ہوتے جب وہ دہشت گردوں کو پکڑ لیتے، اور یہ سوال اٹھایا گیا ہے کہ بھارت اب تک دنیا کو کوئی ثبوت کیوں نہیں دے سکا۔
ڈاکومنٹری میں وزیراعظم شہباز شریف کی طرف سے پہلگام فالس فلیگ آپریشن کی غیر جانبدارانہ تحقیقات کی پیشکش کو اجاگر کیا گیا ہے۔
ڈی جی آئی ایس پی آر کی طرف سے پہلگام فالس فلیگ آپریشن سے متعلق متعدد حقائق بھی شامل ہیں۔ بین الاقوامی میڈیا کے بھارتی طیاروں کے گرائے گئے طیاروں کا ملبہ بھی دکھایا گیا ہے۔
ڈاکومنٹری میں بھارت کی جانب سے معصوم لوگوں کو نشانہ بنانے اور مساجد کو نقصان پہنچانے کے شواہد بھی شامل ہیں۔ یہ تمام شواہد سچ پر مبنی ہیں، اور ڈاکومنٹری میں کوئی بھی ایسی چیز شامل نہیں کی گئی جس کا کوئی ثبوت نہ دکھایا گیا ہو۔
ڈاکومنٹری کی ریلیز سے نہ صرف معرکہ حق کی کامیابی کو اجاگر کیا گیا ہے بلکہ بھارت کی جانب سے کیے گئے مظالم اور جھوٹے الزامات کا بھی پردہ فاش کیا گیا ہے، جس سے عالمی برادری کو حقیقت سے آگاہی حاصل ہو رہی ہے۔
