گوگل نیوز پر ہمیں فالو کریںوزارت مذہبی امور اور بین المذاہب ہم آہنگی نے 10 دسمبر تک اپنی درخواستیں جمع کروانے والے 79000 عازمین حج کو کامیاب قرار دیا ہے۔
اس کے علاوہ وزارت نے محدود نشستوں کے لیے درخواستیں پہلے آئیں، پہلے پائیں کی بنیاد پر قبول کرنے کا فیصلہ کیا ہے۔
وزارت کے ترجمان محمد عمر بٹ کے مطابق، ایک ہفتے کی توسیع کے دوران 10000 سے زائد نئی درخواستیں موصول ہوئی ہیں۔
عازمین کی درخواستوں کے جواب میں انہوں نے کہا کہ وزارت نے چند باقی ماندہ نشستوں کے لیے پہلے آئیں، پہلے پائیں کی پالیسی کے تحت درخواستیں قبول کرنے کا فیصلہ کیا ہے۔ انہوں نے کہا کہ ایک بار حج کا کوٹہ بھر جانے کے بعد، وزارت درخواستوں کی بندش کا اعلان کرے گی۔
عمر بٹ نے بتایا کہ وزارت نے نئے درخواست دہندگان کو مشورہ دیا ہے کہ وہ اپنی درخواستیں جمع کرواتے وقت متعلقہ بینک سے کمپیوٹرائزڈ رسید حاصل کریں اور یہ بھی کہا کہ نشستوں کی الاٹمنٹ اس رسید پر درج تاریخ اور وقت کی بنیاد پر کی جائے گی۔
پیسے کمانے کے علاوہ کوئی کام نہیں اور، کے الیکٹرک پاکستان کی سب سے غیرمحفوظ الیکٹرک کمپنی کیسے؟
انہوں نے یہ بھی بتایا کہ اسپانسرشپ حج اسکیم بھی پہلے آئیں، پہلے پائیں کی بنیاد پر جاری رہے گی۔ انہوں نے کہا کہ حکومت کے کوٹے کی تکمیل کے بعد وزارت دوسری قسط کے حج واجبات کی ادائیگی کے شیڈول کا اعلان کرے گی۔
ترجمان نے مزید کہا کہ عازمین کو اہم ہدایات، ادائیگی کے شیڈول، تربیتی سیشن اور پرواز کی تفصیلات کے بارے میں آگاہ رہنے کے لیے اپنے اسمارٹ فونز پر پاک حج موبائل ایپ استعمال کرنے کی ترغیب دی گئی ہے۔
انہوں نے کہا کہ وزارت کے پیشگی اقدامات کا مقصد حج کے عمل کو ہموار کرنا اور درخواست دہندگان کے لیے زیادہ سے زیادہ سہولیات فراہم کرنا ہے۔
