گوگل نیوز پر ہمیں فالو کریںپاکستان اسٹاک ایکسچینج نے بدھ کے روز اپنی تیزی کا سلسلہ جاری رکھتے ہوئے ایک نئی تاریخی بلند ترین سطح پر پہنچنے کا ریکارڈ قائم کردیا ہے۔
بدھ کے روز کاروبار کے دوران کے ایس ای 100 انڈیکس میں 735.32 پوائنٹس کا اضافہ ہوا، جس سے انڈیکس 105294.39 کی بلند ترین سطح پر پہنچ گیا، جو پچھلے روز کے 104,559.07 کے اختتامی پوائنٹس سے زیادہ ہے۔
رپورٹ کے مطابق سرمایہ کاروں کا اعتماد مضبوط ہے کیونکہ اسٹیٹ بینک آف پاکستان سے پالیسی ریٹ میں مزید کمی کی توقع کی جا رہی ہے ۔اقتصادی ماہرین کا کہنا ہے کہ ملک میں سیاسی استحکام بھی مارکیٹ کی مثبت کارکردگی کی اہم وجہ ہے۔
انٹرنیٹ کی بندش سے پاکستان کو ہر ایک گھنٹے میں 10 لاکھ ڈالرز کا نقصان
دوسری جانب پاکستان بیورو آف شماریات کے مطابق نومبر میں مہنگائی کی شرح 4.9 فیصد پر آگئی، جو پچھلے چھ سالوں میں سب سے کم سطح ہے جبکہ اکتوبر میں یہ شرح 7.2 فیصد تھی۔
مہنگائی میں اس کمی کے نتیجے میں مزید مالیاتی نرمی متوقع ہے، جس سے کاروباری سرمائے کی لاگت میں کمی، حکومتی قرضوں کی ادائیگی کے اخراجات میں کمی اور آئندہ مہینوں میں مالیاتی توازن کو بہتر بنانے میں مدد ملے گی۔
