گوگل نیوز پر ہمیں فالو کریںپالے کیلے: ایشیا کپ میں پاکستان اور بھارت کے درمیان ہائی وولٹیج ٹاکرا آج سری لنکا میں ہوگا۔
پاک بھارت میچ کا آغاز دوپہر ڈھائی بجے پالے کیلے اسٹیڈیم میں ہوگا۔ اس اہم میچ سے قبل بارش کی پیشگوئی کی گئی تھی تاہم شائقین کے لیے خوشخبری یہ ہے کہ میچ کے دوران بارش کے امکانات کم ہوگئے ہیں۔
قبل ازیں میڈیا رپورٹس میں کہا جارہا تھا کہ پاک بھارت میچ میں پورے دن بارش ہونے کے امکانات ہیں تاہم تازہ ترین صورتحال کے مطابق آج کے میچ کے دوران صرف ایک گھنٹہ بارش کا امکان ہے۔
تازہ پیشگوئی میں کہا گیا ہے کہ پاکستان اور بھارت کے میچ والے روز دوپہر 2 سے 3 بجے تک بارش کے 40 سے 60 فیصد امکانات ہیں جبکہ سہ پہر ساڑھے 3 بجے کے بعد بارش کا امکان 20 فیصد سے کم کہا جارہا ہے۔ اس سے قبل کہا جارہا تھا کہ بارش کے 80 فیصد امکانات ہیں۔
کوہلی پاکستانی کھلاڑیوں سے گُھل مل گئے، ویڈیو سامنے آگئی
ایشیا کپ 2023 میں بھارت کیخلاف پاکستان نے اپنے سکواڈ کا اعلان کردیا ہے۔
قومی ٹیم کے کپتان بابراعظم اور نائب کپتان شاداب خان ہیں ، دیگر کھلاڑیوں میں محمد رضوان (وکٹ کیپر) امام الحق، حارث رؤف، فخرزمان، سلمان علی آغا،محمد نواز، نسیم شاہ اورشاہین شاہ آفریدی شامل ہیں۔
کپتان بابر اعظم نے عزم ظاہر کیا ہے کہ وہ جیت کا تسلسل قائم رکھیں گے۔
