پرتشدد طلباء یونینز تعلیمی ماحول تباہ کرتی ہیں، وزیراعظم عمرن خان

اسلام آباد: وزیراعظم عمران خان نے کہا ہے کہ پاکستان میں طلباء یونینز پرتشدد ہو گئی ہیں اور پرتشدد طلباء یونینز کیمپس کا تعلیمی ماحول تباہ کرتی ہیں۔

Universities groom future leaders of the country & student unions form an integral part of this grooming. Unfortunately, in Pakistan universities’ student unions became violent battlegrounds & completely destroyed the intellectual atmosphere on campuses.

— Imran Khan (@ImranKhanPTI) December 1, 2019

وزیراعظم عمران خان نے اپنے ٹویٹ میں کہا کہ یونیورسٹیاں ملک میں مستقبل کے رہنما تیار کرتی ہیں جب کہ طلباء تنظیمیں مستقبل کے لیڈرز بنانے میں اہم ہوتی ہیں، پاکستان میں طلباء یونینز پرتشدد ہوگئی ہیں اور پرتشدد طلباء یونینز کیمپس کا تعلیمی ماحول تباہ کرتی ہیں۔

مزید پڑھیں : طلبہ یونین کی بحالی کے لیے ملک بھر میں نوجوانوں کے مظاہرے

وزیراعظم کاکہناکہ ہم بین الاقوامی جامعات میں جاری بہترین مثالوں سے استفادہ کرتے ہوئے ایک جامع اور قابلِ عمل ضابطہ اخلاق متعارف کرائیں گے تاکہ پاکستان میں طلبا یونین کی بحالی اور سرگرمی شروع ہو اور وہ ملک کی نوجوان نسل کو سنوارنے اور مستقبل کے رہنماؤں کی فراہم میں اپنا مثبت کردار ادا کرسکے۔